Beatboxing

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Biz Markie fendo beatboxing

O beatboxing ye una forma de percusión vocal que se basa en l'habilidat de producir beats de batería, ye decir ritmos y sonius musicals, emplegando a imitación vocal de sonidos percutius. Puet incluyir tamién o canto, a imitación vocal d'o turntablism y a simulación d'instrumentos mosicals de viento u cuerda.

O beatboxing actual ye connectau con a cultura hip hop, estando un d'os suyos elementos, encara que no se limita a ista mena de musica.

Historia[editar | modificar o codigo]

Una d'as tradicions que ya practicaba bella cosa parellana a o beatboxing, y encara hue la sigue practicando, ye o bol orichinario d'a India. O bol puede definir como una secuencia de silabas ritmicas que marcan os movimientos d'una danza.

Tamién en China existe una tradición milenaria dita kouji. Considerau un arte escenico vocal, o kouji imita os sonius d'o entorno natural, como por eixemplo animals u ríos, fendo servir a boca.

Cualques tradicions africanas tamién feban servir o cuerpo ta fer musica, con palmadas y pisando fuertement. A vegadas emplegaban a cavidat bucal ta emitir sonius, aspirando rudiosament enta difuera y enta aintro (tecnica que hue en día tamién se fa servir en cualques ritmos d'o beatboxing).