Battlestar Galactica

De Biquipedia
Ir a la navegación Ir a la búsqueda
Un Cylon.

Battlestar Galactica ye una franquicia de sciencia ficción d'Estaus Unius creyada por Glen A. Larson.[1]

A franquicia prencipió con a serie de televisión orichinal en 1978 y estió seguida por una serie seqüela de curta duración (Galactica 1980), una linia d'adaptacions de libros, novelas orichinals, cómics, un chuego de mesa y videochuegos. Una versión reimachinada de Battlestar Galactica s'emitió como una miniserie de dos partis y tres horas desembolicada por Ronald D. Moore y David Eick en 2003. Ixa miniserie dio puesto a una serie de televisión semanal, que s'emitió dica 2009. Una serie de preqüela, Caprica , estió emitida en 2010.

Totas as produccions de Battlestar Galactica comparten a premisa que en una parti leixana d'o universo, una civilización humana s'ha extendiu a un grupo de planetas conoixidas como que as Dotze Colonias, a os quals han migrau dende o suyo mundo natal ancestral de Kobol. As Dotze Colonias s'han embolicau en una guerra alongada con una raza cibernetica conoixida como os Cylons, que o suyo obchectivo ye acotolar d'a raza humana. Os Cylons ofreixen paz a os humans, o que resulta estar una estuzia. Con la aduya involuntaria d'un humán clamau Baltar, os Cylons levan a cabo un ataque masivo contra as Dotze Colonias y la Flota Colonial de naus espacials que las protechen. Istos ataques acotolan a Flota Colonial, arranan as Colonias y practicament destruyen as suyas poblacions. Os supervivients dispersos fuyen a o espacio exterior a bordo d'una gran variedat de naus espacials disponibles. De toda la flota de batalla colonial, solament o Battlestar Galactica, un chigant cuirazau y portador de naus espacials clamadas Viper, pareixe haber sobreviviu a l'ataque de Cylon. Baixo l'enfilamiento d'o Comandant Adama, a nau Galactica y os suyos pilotos de Viper endrezan una flota fuchitiva de supervivients en busca d'a lechendaria decenotercera colonia conoixida como Tierra.

Series de televisión[editar | modificar o codigo]

  • Battlestar Galactica (1978–1979).
  • Galactica 1980 (1980).
  • Battlestar Galactica miniseries (2003).
  • Battlestar Galactica (2004–2009).
  • Caprica (2010).
  • Blood & Chrome (2012).

Cintas[editar | modificar o codigo]

  • Battlestar Galactica: Razor (2007).
  • Battlestar Galactica: The Plan (2009).

Referencias[editar | modificar o codigo]