Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Se conoixe con o nombre de batalla de Teruel a una batalla u millor dito un conchunto d'operacions militars desembolicatas mientres a Guerra Civil Espanyola en a ciudat aragonesa de Teruel y en a suya redolada, que prencipioron o 15 d'aviento de 1937 y rematoron o 22 de febrero de 1938, enfrontinando-se as tropas de l'Exercito Popular Republicano con os sublevatos de dreitas de Francisco Franco. A batalla prencipió por una ofensiva de l'Exercito Popular Republicano, ta privar una inminent ofensiva d'os sublevatos enta Madrit, y encara que as tropas republicanas conquirioron a ciudat de Teruel, estando asinas a unica capital de provincia conquiesta por as suyas tropas en a guerra, a batalla remató con a recuperación d'a ciudat por os sublevatos, ubrindo camín a una ofensiva d'istos zaguers en tot o Frent d'Aragón, encara que tamién amostró a capacidat d'o reconstituito Exercito Popular ta organizar una ofensiva frent a las fuerzas superiors d'os sublevatos y ta resistir en una luenga batalla. Estió una batalla muit dificil ta os combatients, por a situación climatolochica, de frido muit intenso.
Datos: Q1467456
Multimedia: Battle of Teruel / Q1467456