Batalla d'Austerlitz

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Batalla d'Austerlitz
Guerras napolionicas
A batalla d'Austerlitz en un cuadro de François Gérard de 1810 (Museu Nacional d'o castiello de Versailles).
Información cheneral
Calendata: 2 d'aviento de 1805
Puesto: Austerlitz (Moravia, Sacro Imperio Romano Chermanico, hue en a Republica Checa)
Resultau: Victoria decisiva francesa que remata a Tercera Coalición; disolución d'o Sacro Imperio Romano Chermanico y establimiento d'a Confederación d'o Rin
En conflicto
Primer Imperio Francés	Imperio Ruso Archiducato d'Austria
Comandants
Napolión Bonaparte	Aleixandre I de Rusia Francisco I d'Austria
Soldaus
72.000 soldatos	92.000 soldatos
Baixas
1.305 muertos 6.940 feritos 573 presoners 1 bandera	15.000 muertos u feritos 12.000 prisioners 80 canyons 50 banderas

A batalla d'Austerlitz (tamién gosa estar conoixita como batalla d'os Tres Emperadors) estió una batalla escaicita o 2 d'aviento de 1805 mientres as Guerras napolionicas (Tercera Coalición) en a cual luitoron d'una man as tropas de l'Exercito francés d'o Primer Imperio Francés mandatas dreitament por Napolión Bonaparte y d'atra man as tropas de l'Exercito ruso mandatas por o zar Aleixandre I de Rusia chunto con as tropas de l'Exercito austriaco mandatas por Francisco I d'Austria. A batalla s'escaició en Austerlitz (Moravia, Sacro Imperio Romano Chermanico, hue en a Republica Checa) y remató con una victoria decisiva francesa que tenió como consecuencias rematar con a Tercera Coalición, amás d'a disolución d'o Sacro Imperio Romano Chermanico y d'o subsiguient establimiento d'a Confederación d'o Rin como estato satelite de Napolión.

Ista batalla, que encara hue ye considerata com una d'as mas brilants d'a historia, tenió tamién una funda importancia en a propaganda politica napolionica, y mesmo a expresión que charra d'o "sol d'Austerlitz" esdevenió una ferramienta de motivación d'as tropas francesas en batallas posteriors cuan pareixeba que as tropas francesas perdeban a batalla, por analochía con os feitos d'a batalla d'Austerlitz.

Vinclos externos

• Se veigan as imáchens de Commons sobre a batalla d'Austerlitz.
• (cs) Anvista panoramica virtual d'o puesto d'a batalla.