Badía d'Abertawe

A badía d'Abertawe (en galés Bae Abertawe, en anglés Swansea Bay) ye una badía que se troba situata en a Canal de Bristón en a costa sud de Galas. Entre as localidaz que se troban en a badía s'encluyen Y Mwmbwls, Abertawe y Port Talbot. Os ríos Nedd, Tawe, Afan y Blackpill desembocan en a badía.

A badía d'Abertawe (como toda a parti alta d'a Canal de Bristón) experimenta una d'as variacions entre mareas mas grans d'o mundo, con una diferencia de dica 10 metros entre a marea alta y a baixa.^[1] Os puertos de pescata mas importants d'a badía se troban en Abertawe, Port Talbot y Llansawel.

Historia

A cullita d'ostras estió d'antis mas una industria important en a badía d'Abertawe, gosando emplegar a dica 600 personas en a decada de 1860. Manimenos, o exceso de pescata, as malautías y a contaminación acotoloron a población d'ostras en os anyos 1920. Dende l'anyo 2005 existen plans ta reintruducir ista industria a traviés d'a creyación de granchas d'ostras.^[2]

Plachas

A badía ye plena de plachas d'arena. Cada sección de placha d'a badía tiene un nombre diferent::

Contaminación

En as zagueras dos decadas d'o sieglo XX, a badía yera estropiciada por a contaminación, d'una man debito a la industria d'a redolada y d'atra por as canyerías d'os repuis d'as ciudaz que desembocaban sin control en a badía, encluyendo a prencipal que se trobaba chusto chunto a o faro de Y Mwmbwls.

S'han feito esfuerzos dende as autoridaz locals ta reducir a contaminación en a badía, mirando amás de evitar que se treslade a las plachas d'o sud d'a peninsula de Gŵyr. Como consecuencia d'istas accions se consiguió en aviento de l'anyo 2007 una bandera azul ta a placha d'Aberavon.^[3]

Cheneración d'enerchía

Bi ha una central electrica de gas situata en a badía de Baglan Bay. Bi ha un prochecto ta construyir una nueva central electrica de biomasa amán d'a costa en Port Talbot.

Plans futuros

A badía d'Abertawe (igual que a resta d'o Reino Uniu) tien una d'as mayors variacions entre mareas d'o mundo. Iste feito ofreixe un gran potencial ta a cheneración de enerchía electrica aproveitando as mareas. Bi ha una propuesta d'a empresa Tidal Electric ta construyir una lacuna que permita chenerar electricidat a través d'as mareas.^[4] A laguna se situaría a una milla d'a costa y tendría una superficie de 5 km².

Amás d'a enerchía mareomotriz, bi ha un prochecto ta construyir una central eolica en a badía,^[5] pero actualment ye aturato debito. A central se situaría en Scarweather Sands, alto u baixo a tres millas d'a costa, amán de Porthcawl.