Arrumans

De Biquipedia
Ir ta: navego, busca
Arrumans, Makedonji-Armânji/Rrămânji.
Vergiasun.svg
Map-balkans-vlachs.png
Mapa d'os Balcans con as poblacions vlacas y rumanas; os arromans bi apareixen en rosa.
Rechions con comunidatz importants
Flag of Greece.svg Grecia 39.855
Flag of Macedonia.svg Macedonia 9.695
Flag of Albania.svg Albania 4.249
Flag of Bulgaria.svg Bulgaria 1.000
Flag of Romania.svg Rumanía 26.500
Idiomas
Arrumán
Relichión
Cristiana ortodoxa, cristiana catolica
Pueblos relacionatos
Pueblos vlacos

Os arrumans son un conchunto de comunidatz vlacas ixemenatas por os países balcanicos, sobretot Albania, Macedonia, Grecia y Bulgaria, dende on muitos emigroron ta Rumanía quan esdevinió estato independient y sobretot dimpués d'as guerras balcanicas. Charran un luengache neolatín, l'arrumán, pareixito a lo rumán oficial en Rumanía, y tamién pareixita a lo meglenorrumán y lo istrorrumán. Son cristians, beluns catolicos, belatros ortodoxos.

Denominacions[editar | editar código]

Bandera d'os arrumans de Grecia

Quan as invasions d'os pueblos nomadas d'as estepas y d'os eslavos o termin Romanus y as suyas derivacions romances rumân y variants esdevinió a denominación d'a población sozmesa, esclavizata, y a lo norte d'o Danubio quan i heba una principatos u voibodatos con una clase dirichent que charraba a luenga neolatina, encara se deciba rumân a la chent sozmesa. Por eixemplo en un texto de 1602, uno d'os primers escrito en rumán podemos leyer "d'estar esclavos como han estato venditos":

Con tot y con ixo os arrumans conservoron l'autodenominación Romanus: Armãnj y Rrãmãnj en Grecia, y rrãmãnji u rrãmenji n Albania. Encara os albaneses denominan a los arrumans rëmër, que tamién ye una derivación de Romanus, pero bi ha atras denominacions, populars u eruditas. En a Edat Meya u en textos que parlan d'a Edat Meya se feba servir o exonimo 'vlaco pa dicir a toz os pueblos balcanicos que charraban una luenga neolatina. Este exonimo ye d'orichen eslavo, lo podemos leyer en bulgaro como vlasi, en albanés como Vllehe, en griego como Vlahi, en turco como Ulahlar. Pa embolicar més l'asunto en a historiografía medieval a vegatas s'ha feito servir o termin Vlaco pa dicir "bandido", "rebel" y en a Bosnia otomana diciban vlacos a los cristians catolicos u ortodoxos locals. Os meglenorrumans han preso a denominación eslava de vlasi p'autodenominar-sen, dixando a denominación orichinal derivata de romanus.

En bels países reciben denominacions que son en realidat embotatas, como por eixemplo Κουτσόβλαχοι en griego u tsintsar en as luengas eslavas meridionals. En albanés a vegatas fan servir a embotata de cioban turquismo que significa "pastor".

Bi ha diferents brancas d'arrumans, que reciben nombres locals en lur luengache: arnăucheni, epiraţi, fărşeroţi, grămosteni, olimpiani, rhodopeni, vascopoleni y atros grupos menors en Tracia, en Bulgaria, en o Kosovo y en o Sanchac de Novi Pazar.

Luenga[editar | editar código]

A luenga arrumana ye en camín de desapareixer. Historicament bells arrumans prenioron a luenga griega esdevenindo un grupo etnolingüistico diferent, os karakachan.

Modo de vida tradicional[editar | editar código]

Muitos arrumans yeran pastors transuants. En Bulgaria-Macedonia os vlacos transuants se distribuiban especialment en as altas montanyas, o Pindo, os Monts Rhodopeyos, o Ryla y Pirin. Poseyeban caballamen y uellamen y viviban en capanas a unas altarias de entre os 1000 y 1500 m sobre o libel d'a mar. Unas quantas familias chuntas de dica 60-100 presonas yeran baixo o mando d'un chefe (chelnik u kehaya).

Cultura[editar | editar código]

O president de Rumanía en o "Día d'a Cultura d'os Macedonios/Armans/Arrumans/Vlacos.

Historia[editar | editar código]

En o sieglo XI pastors vlacos d'a zona de Nish emigroton t'Albania. Os bizantins no facioron que defensar as ciudatz y costas. As diferencias clanicas u tribals impidioron a los vlacos de formar un estato.[1]

En 1080 quan os bizantins recuperoron Macedonia i troboron vlacos, y yeran una parte important d'a población en o segundo Imperio Bulgaro en 1184. En o sieglo XII o prencipato de Vlaquia la Gran comprendeba Tesalia con as costeras centrals y meridionals d'o Pindo, y lo sud de Macedonia dica Kastoria. Este estato fue absorbito por o despotato d'Epiro.

En o sieglo XIV bi habió un descenso demografico en Grecia por as guerras, epidemias y bandidache. O exodo rural fació que muitos vlacos emigrasen ta Grecia.

Referencias[editar | editar código]

  1. Hermann Kinder Werner Hilgemann ATLAS HISTORICO MUNDIAL. Desde los orígenes a la Revolución Francesa. Ediciones Itsmo.

Vinclos externos[editar | editar código]