Ermita de Santielena

De Biquipedia
(Reendrezato dende Armita de Santielena)
Ir a la navegación Ir a la búsqueda
Ermita de Santielena
Santielena Biescas.jpg
Ermita de Santielena
Situación cheografica
Estato {{{estato}}}
País {{{país}}}
{{{tpdivisión}}} {{{división}}}
Situación Flag of Aragon.svg Biescas, Aragón
Adreza {{{adreza}}}
Coordenatas
Diocesi Chaca
Información cheneral
Advocación Santa Elena
Culto Cristianismo
Orden
Rector {{{rector}}}
Vicario parroquial {{{vicario1}}}
2.º Vicario parroquial {{{vicario2}}}
Mosen
Propietario {{{propietario}}}
Administrador {{{administrador}}}
Director {{{director}}}
Coste {{{coste}}}
Vesitable {{{vesitable}}}
Altaria {{{altaria}}}
Pisos {{{pisos}}}
Amplaria {{{amplaria}}}
Largaria {{{largaria}}}
Superficie {{{superficie}}}
Diametro {{{diametro}}}
Aforo {{{aforo}}}
Altaria s.r.m. {{{altaria srm}}}
Atras {{{atras dimensions}}}
Alcance {{{alcance}}}
Iluminación {{{iluminación}}}
Potencia {{{potencia}}}
Arquitectura
Tipo Ermita
Estilo
Función {{{función}}}
Catalogación
Materials {{{material}}}
Construcción
Construcción Sieglo XVI
Fundador
Inicio {{{inicio}}}
Fin {{{fin}}}
Inauguración {{{inauguración}}}
Destrucción {{{destrucción}}}
Arquitecto {{{arquitecto}}}
Incheniero estructural {{{incheniero estructural}}}
Incheniero de servicios {{{incheniero de servicios}}}
Incheniero civil {{{incheniero civil}}}
Atros {{{atros}}}
Premios {{{premios}}}
Localización
Ermita de Santielena en Aragón
Ermita de Santielena
Ermita de Santielena
Situación de Ermita de Santielena en Aragón
Pachina web {{{web}}}

A ermita de Santielena ye una ermita situata en a mesma dentrata d'a val de Tena, en o municipio de Biescas. Adedicata a la patrona de Biescas y d'a val, Santa Elena.

Dicen que la Santa veniba de Francia t'acubillar-se d'os franceses (u moros que veniban d'o sud en atras versions) que la encorreban. Quan heba plegato ta Biescas dimpués de trescruzar a muga, un labrador la levó ta lo puesto a on hue ye la fuent, en a espelunga baixo a ermita. y astí una araina teixió sobre la dentrata una gran tiraraina dezaga d'a que s'amagó la Santa. En o mesmo puesto se construyó en o sieglo XVI y posteriors[1] a ermita, mientres o reinato de Chaime I y continó baixo la protección de Ferrando II y Carlos I.

Totz os 18 d'agosto se fa la tradicional romería en a que vecins de Biescas y de tota la val puyan ta la ermita.

A fuent Gloriosa[editar | editar código]

A fuent Gloriosa se troba baixo la ermita de Santielena. Ye una fuent intermitent en a que l'augua sale a vegatas mientres bells 15 menutos y dimpués se seca mientres un largo periodo de tiempo. A tradición popular diz que l'augua d'esta fuent viene dreita d'o río Churdán en Palestina, o mesmo río en que fue baptizato Chesucristo.

L'orichen d'esta creyencia ye en a Edat Meya. Un pelegrín que veniba de Tierra Santa y que iba por a val de Tena ta Santiago de Compostela yera en la ermita ascuitando misa con atros pelegrins. En ixe mesmo inte prencipió a salir augua d'a fuent, que ya yera conoixita por os habitants d'a val. Quan veyó l'augua salir con una gayata flotando dencima d'ella lo pelegrín prencipió a chilar -Miraglo! Miraglo!- y contó a la chent d'o lugar que ixa mesma gayata le s'eba cayito a lo cauz d'o Churdán quan yera en Palestina y que agora la Santa le'n heba tornata.

Puesto de culto[editar | editar código]

Dolmen de Santa Elena.

O puesto a on hue ye la ermita de Santielena ye un puesto de culto dende antes d'a cristizanización d'estas tierras.[1] A principal muestra d'este feito ye la presencia d'un dolmen a los pietz d'a ermita, en a dentrata d'a val de l'Asieso.

Dimpués este puesto se cristizanizó construindo la ermita sobre la fuent Gloriosa. Alavez ye platero que lo puesto no estió trigato d'una traza aleatoria, sino que os antigos habitants d'estas tierras i troboron una gran fuerza telurica. S'han feito medicions y as fuerzas teluricas en Santielena[2] son pro amanatas a las que se pueden trobar en atros puestos importants de presencia megalitica como Stonehenge u ermitas cristianas d'o Pireneu como Santa Orosia. Ye pro común a cristianización de puestos de culto pagán en tot o Pireneu.

Importancia estratechica[editar | editar código]

Fuerte de Santielena.

D'atra mán antimás d'a suya importancia relichiosa lo puesto tamién ha tenito una gran importancia estratechica. Situato en o cobalto d'un congosto que fa de dentrata ta la val de Tena, a 1080 m. d'altaria, o Fuerte de Santielena prencipió a construyir-se en 1887 anque nunca se remató por falta de diners.

Se trestalla en tres partes, o fuerte alto que tien una superficie 8.765 m², a batería exterior con 1.845 m² y la parte d'esfensa baixa con 2.755 m², antimás d'un almadazen de 592,64 m² ta alzar materials y atro de 31 m² ta alimentos, pro ta que los hombres podesen minchar por bells 4 meses. Podeban acubillar-se en o fuerte 200 hombres con os suyos oficials y quatro caballos.

Manimenos en o mesmo puesto ya existiban edificacions militars en sieglos anteriors que s'emplegoron en as invasions d'os hugonotz, a Guerra contra la Convención u en a Guerra d'o Francés entre atros autos belicos. Ya en 1592 mientres las Alteracions d'Aragón l'antigo castiello estió escenario de bells escaicimientos[3] quan os biarneses calvinistas invadioron a val.

Leyenda sobre a propiedat d'a ermita[editar | editar código]

Ermita dende a carretera

Ya d'antigo existiban conflitos sobre si a ermita yera propiedat d'a villa de Biescas u d'o quinyón de Pandicosa. Estió lo 25 de chulio de 1545 quan se fixó la muga entre las dos entidatz territorials en o barranco d'o Espumoso y Santielena quedó en a parte biesquense.

Manimenos a leyenda popular mos recenta encara mas d'esta división territorial. Diz que o bispe d'ixas tierras clamó a los mosens d'as villas que yeran en pleito por a ermita y les mandó puyar ta o puesto d'a ermita ta churar que astí yeran pisando a tierra d'a suya respectiva villa.

Os dos mosens dandaliaban, por que en verdat denguno sapeba prou bien de quí yera ixa tierra a on yera a ermita, pero lo mosén de Biescas que yera a-saber-lo d'estuto s'heba plenato los suyos zapatos con tierra d'a villa de Biescas ixe mesmo maitín antes d'ir-ie.

Asinas, quan plegoron o bispe dició -Quí de vusatros puet churar que ye pisando agora tierra d'a suya villa?- y allora lo mosén de Biescas dició con tanta seguridat que degún d'os presents dandalió -Yo churo debant d'a Biblia y de Dios Nuestro Sinyor que agora mesmo soi pisando tierra d'a villa de Biescas!-. O bispe decretó que a ermita perteneixeba a la villa de Biescas.

Referencias[editar | editar código]

Vinclos externos[editar | editar código]