Arcane

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Arcane.

Arcane (tetulada en pantalla como Arcane: League of Legends) ye una serie de televisión d'animación d'acción y aventuras pa adultos creyada per Christian Linke y Alex Yee pa Netflix. Producida per Fortiche baixo a supervisión de Riot Games, ye ambientada en o universo ficticio d'o videochuego League of Legends, y se centra sobretot en as chirmanas Veyié y Jinx.^[1]

A historia se desembolica en o universo de League of Legends, en o mundo conoixiu como Runaterra. Dentro d'iste mundo, i hai dos ciudaz opuestas deseparadas per un puent: Piltover y Zaun. Piltover ye la ciudat academica y cientifica, centrada en o progreso d'a humanidat per meyo d'os grans inventos, mientres que Zaun ye tot lo contrario, rabals plenos de criminalidat y malfeiturías sin garra mena d'autoridat que meta orden mas dillá d'as bandas de crimen organizau. As tensions y rivalidaz que existen entre estas dos ciudaz trestalla a familias y amigos como en o caso d'as chirmanas Vi y Jinx, u de Jayce y Viktor, dos amigos inventors y aprendices d'o lechendario cientifico Heimerdinger. Totas istas relacions s'esbordarán con a creyación de Hextech en Piltover, una tecnolochía con a cual cualsequier persona ye capable de controlar a enerchía machica, mientres que en Zaun una nueva droga transforma a los humans en mostros.