Apendicitis

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Apendicitis.

L' apendicitis u mal d'apéndiz[1] ye la inflamación de l'apéndiz. Os simptomas gosan incluyir dolor en a parti inferior dreita de l'abdomen, ansias, vomecatizos y disminución d'a gana. Manimenos, a la raya d'o 40 % d'as personas no tienen istos simptomas tipicos. As complicacions grieus d'un apéndiz trencau incluyen una inflamación dolorosa y cheneralizada d'o revestimiento interno d'a paret abdominal y sepsis.[2]

L'apendicitis ye causada per una obstrucción d'a porción vueda de l'apéndiz. Isto se debe mas comunament a una piedra calcificada feita de fieces. O teixiu linfoide inflamau per una infección viral, parasitos, calculos biliars u tumors tamién puede causar a obstrucción. Iste bloqueyo provoca un augmento d'a presión en l'apéndiz, una disminución d'o fluxo sanguinio a los teixius de l'apéndiz y un creiximiento bacteriano adintro de l'apéndiz que causa inflamación. A combinación d'inflamación, reducción d'o fluxo sanguinio a l'apéndiz y distensión de l'apéndiz provoca lesions y muerte d'o teixiu. Si iste proceso no se tracta, l'apéndiz puede esbotar y liberar bacterias en a cavidat abdominal, lo que augmenta las complicacions.[3]

O diagnostico d'apendicitis pende en gran medida en os sinyals y simptomas d'a persona. En os casos en que lo diagnostico no sía claro, a observación minuciosa, as imáchens medicas y las prebas de laboratorio pueden estar utils. As dos prebas d'imachen mas comunas que se fan servir son una ecografía y una tomografía computarizada (TC). S'ha contrimostrau que la tomografía computarizada ye mas precisa que l'ecografía pa detectar l'apendicitis aguda. Manimenos, ye posible que se prefiera l'ecografía como primera preba d'imachen en ninos y mullers embarazadas a resultas d'os risgos asociaus con a exposición a la radiación en as tomografías computarizadas.[4]

O tractamiento stándard pa l'apendicitis aguda ye la extirpación quirurchica de l'apéndiz.[5] Isto se puede realizar per meyo d'una incisión ubierta en l'abdomen (laparotomía) u per meyo d'unas pocas incisions mas chicotas con l'aduya de cameras (laparoscopia). A cirurchía reduz o risgo d'efectos secundarios u muerte asociaus con a ruptura de l'apéndiz. Os antibioticos pueden estar igualment efectivos en bels casos d'apendicitis no trencada. Ye una d'as causas mas comunas y significativas de dolor abdominal que amaneix a escape. En 2015, se producioron arredol d'11,6 millons de casos d'apendicitis, lo que resultó en unas 50.100 muertes. En Estaus Unius, l'apendicitis ye una d'as causas mas comunas de dolor abdominal repentín que requiere cirurchía. Cada anyo, nomás en os Estaus Unius, s'extirpa cirurchicament l'apéndiz a mas de 300.000 personas con apendicitis. A Reginald Fitz se le atribuye estar a primera persona en describir a condición en 1886.[6]

Referencias[editar | modificar o codigo]

  1. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  2. (en) Hobler, K. (Spring 1998). "Acute and Suppurative Appendicitis: Disease Duration and its Implications for Quality Improvement". Permanente Medical Journal. 2 (2)
  3. (en) Schwartz's principles of surgery (9th ed.). New York: McGraw-Hill, Medical Pub. Division. 2010. pp. Chapter 30. ISBN 978-0-07-1547703.
  4. (en) Paulson EK, Kalady MF, Pappas TN (January 2003). "Clinical practice. Suspected appendicitis". The New England Journal of Medicine. 348 (3): 236–42.
  5. (en) Longo, Dan L.; et al., eds. (2012). Harrison's principles of internal medicine (18th ed.). New York: McGraw-Hill. pp. Chapter 300. ISBN 978-0-07174889-6.
  6. (en) Fitz RH (1886). "Perforating inflammation of the vermiform appendix with special reference to its early diagnosis and treatment". American Journal of the Medical Sciences (92): 321–46.