Animación
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'animación ye una simulación de movimiento producita por meyo d'imáchens que se creyan una por una; en prochectar-se succesivament istas imáchens (denominatas cuadros, o en anglés frames) se produce una ilusión de movimiento, encara que o movimiento representato no existe en a realidat. Se basa en a ilusión d'o movimiento, en que intervienen a persistencia d'a visión y o fenomeno phi.
Asinas se designan diversas tecnicas cinematograficas que tienen en común que se basan en un universo de proporcions reducitas y no reproducen dengún elemento real. En o rodache no s'emplega o movimiento, sino que s'emplegan tecnicas de filmación d'imachen por imachen y por meyo de diversos trucos ye creyata la impresión de relieu y movimiento. Comprende o debuixo animato, con o cual a sobén se confunde, l'animación de monyacos, collages, obchectos en movimiento, gravatos móvils, hombres y composicions plasticas abstractas.[1]
L'animación pertoca a l'ambito d'o cine y a televisión, encara que, como se puet comprebar, ye en relación dreita con as artes visuals clasicas, debuixo, pintura y escultura, asinas como a fotografía.
Ta realizar animación existen numerosas tecnicas que van mas allá d'os familiars debuixos animatos. As escenas que se pueden chenerar debuixando, pintando, u fotografiando os chicorrons cambios feitos repetidament en un modelo d'a realitat u en un modelo tridimensional virtual; tamién ye posible d'animar obchectos d'a realitat y autors.
Referencias
[editar | modificar o codigo]
Datos: Q11425
Multimedia: Animations / Q11425