Amiga 500
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'Amiga 500 ye l'ordinador domestico Amiga mas vendiu de Commodore. Se presentó en CeBit en mayo de 1987 de conchunta con l'Amiga 2000 y tien datos de rendimiento semellants a iste. O grupo destinatario de l'ordinador yeran prencipalment usuarios privaus con un presupuesto mas reduciu. A costa d'a capacidat d'actualización, se prescindió d'una caixa d'escritorio y en o suyo puesto se trigó un disenyo semellant a o d'o Commodore 128. L'Amiga 500 estió, mesmo mas que l'Amiga 2000, particularment popular como ordinador de chuegos en o suyo día, ya que a calidat d'imachen y son yera clarament superior a la d'o PC estandar en ixe inte. En termins de politica de mercato, l'Amiga 500 estió disenyau prencipalment como que una respuesta a l'exitoso competidor Atari ST. En a practica, l'Amiga 500 cumplió a suya función y superó clarament a o Atari ST en a competencia. Manimenos, cambió a imachen cheneral d'a serie de modelos Amiga como "ordinador de chuegos".
