Alionor de Portugal

De Biquipedia
Ir a la navegación Ir a la búsqueda
Alionor de Portugal
Reina consort d'Aragón

19 de noviembre de 1347-29 d'octubre de 1348
Predecesor María de Navarra
Succesor Alionor de Secilia

Atros títols
Infanta de Portugal
Naixencia 1328
?
Muerte 30 d'octubre de 1348
Fuent la Reina
Conchuche/s Pero IV d'Aragón
Dinastía Casa de Borgonya
Pai Alfonso IV de Portugal

Alionor de Portugal (1328[1] - 30 d'octubre de 1348), infanta de Portugal y reina consort d'Aragón entre 1347 y 1348.[2]

Yera a zaguera filla naixida d'o matrimonio d'o rei Alifonso IV de Portugal y Beatriz de Castiella,[3] a infanta Alionor yera nieta de Dionís I y Isabel d'Aragón por vía paterna y de Sancho IV de Castiella y María de Molina por vía materna, y chirmana de Pero I de Portugal entre atros.

Biografía[editar | editar código]

Poco se sabe d'a suya nineza. As primeras informacions apareixen a os suyos 18 anyos quan os reis se disputaban a suya man con a fin de tener o refirme portugués: Alifonso XI de Castiella, que la quereba ta o suyo sobrín, Ferrando d'Aragón y Pero IV d'Aragón, con qui remató casando-se [4] o 14 u o 15 de noviembre de 1347[5] en Barcelona, de qui estió a segunda muller dimpués d'a muerte de María de Navarra ixe mesmo anyo. Alionor estió a primera y a unica reina d'Aragón naixida de Portugal.[6]

Murió un anyo dimpués, o 30 d'octubre de 1348 camín enta Exerica, dimpués d'haber contrayiu a peste negra quan se trobaba en Teruel.[7][8] Encara que bells autors dicen que fue mai d'una filla dita Beatriz que murió estando nina y que fue criada por a suya abuela materna,[9] entre ells Cheronimo de Zurita y Rui de Pina, no bi habió descendencia d'o matrimonio d'a infanta portuguesa y o rei aragonés. En o suyo testamento, Alionor no nombra a ista suposada filla que a suya abuela, a reina Beatriz, menciona en os suyos dos testamentos de 1357 y 1358, en os que diz que as restas d'a chicota Beatriz, probablement filla borde de Pero I de Portugal, que heban estau apedecaus d'antis mas en o convento de Sant Francisco en Santarém, estasen ficaus en a suya tumba.[10]

Primero fue enterrecada en Exerica y no estió dica chunio de 1350, quan haba retaculau a peste negra, que as suyas restas fuoron tresladadas y apedecadas en o pantión d'os reis en o monesterio de Poblet, seguntes heba dispuesto en o suyo testamento atorgau en septiembre de 1348 en o que quereba estar enterrecada chunto a o suyo mariu.[11]

Referencias[editar | editar código]

  1. Rodrigues Oliveira, 2013, pach. 217
  2. Almeida Rodrigues, 2013. Pach. 89
  3. Almeida Rodrigues, 2013. Pach. 89
  4. Almeida Rodrigues, 2013. Pach. 89
  5. Almeida Rodrigues, 2013. Pach. 93
  6. Rodrigues Oliveira, 2013. Pach. 221
  7. Rodrigues Oliveira, 2013. Pach. 93
  8. Rodrigues Oliveira, 2013. Pach. 221
  9. Rodrigues Oliveira, 2013. Pach. 222
  10. Almeida Rodrigues, 2013. Pach. 94
  11. Almeida Rodrigues, 2013. Pach. 93-94

Bibliografía[editar | editar código]


Predecesora:
María de Navarra
Consort d'o rei d'Aragón
19 de noviembre de 1347-29 d'octubre de 1348
Succesora:
Alionor de Secilia