Alfonso Martínez Gómez

Alfonso Martínez
Información personal
Naixencia	24 de chinero de 1937 Zaragoza (Comarca Central, Aragón)
Muerte	17 d'abril de 2011 Barcelona (Barcelonés, Catalunya)
Altaria	1.90 m^[1]
Peso	89 kg
Esporte	Baloncesto
Chuegos d'a Mediterrania
Archent	Beirut 1959	Baloncesto
Archent	Nápols 1963	Baloncesto
Títols
Maximo anotador d'a Liga Espanyola de Baloncesto en os anyos 1957, 1958 y 1967.

Alfonso Martínez Gómez (Zaragoza, 24 de chinero de 1937- Barcelona, 17 d'abril de 2011), estió un chugador de baloncesto aragonés d'as decadas d'os anyos 1950, 1960 y 1970. Estió l'unico campión d'a Liga Espanyola de Baloncesto con tres equipos diferents y l'unico campión d'a Copa con cuatre (Real Madrid, Barcelona, Picadero y Joventut) a mas de ser tres vegatas o maximo anotador d'a Liga Espanyola de Baloncesto en os anyos 1957, 1958 y 1967.^[2] Estió internacional con a selección espanyola de baloncesto y participo en os Chuegos Olimpicos de Roma 1960 y Mexico 1968,^[1] entre d'atras competicions internacionals entre las que cal destacar por o suyo resultau os Chuegos d'a Mediterrania de Beirut 1959 y Nápols 1963.

Dimpués d'a suya retirata como chugador fue entrenador d'o Club Baloncesto Valladolid y o Bàsquet Manresa.

Yera chirmano de José Luis Martínez Gómez y Miguel Ángel Martínez tamién chugadors de baloncesto.

Trachectoria esportiva[editar | modificar o codigo]

1957: Liga espanyola (Real Madrid) y maximo anotador d'o campionato.
1957: Copa d'Espanya (Real Madrid) y maximo anotador d'a Liga Espanyola de Baloncesto.
1958: Liga espanyola (Real Madrid).
1959: Liga espanyola (FC Barcelona).
1959: Copa d'Espanya (FC Barcelona).
1964: Copa d'Espanya (Picadero Jockey Club).
1967: Liga espanyola (Joventut de Badalona) y maximo anotador d'o campionato.
1969: Copa d'Espanya (Joventut de Badalona).