Alberto Gracia Trell

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Alberto Gracia Trell
Información personal
Calendata de naixencia 1985
Puesto de naixencia Uesca (Aragón)
Ocupación Mayestro y escritor

Alberto Gracia Trell ye un escritor en aragonés naixiu de Uesca (1985). Diplomau en Machisterio, e profesor d'aragonés, ha publicau bella cosa d'articlos y colaboracions en cuantas revistas como Fuellas, Serrablo, Luenga & Fablas, Rolde, Jacetania y Ambista, como: Notas sobre l’aragonés d’A Lueca de Chuana Coscujuela, Apuntes sobre el aragonés en Orna, Chusé Gracia escritor popular en aragonés, Felis Gil del Cacho autor d'o primer libro en aragonés tensino, "Chuana Coscujuela la escritora del pueblo", "El pensamiento de Pedro Arnal Cavero en torno a la lengua aragonesa" u "Lengua y vocabulario de Naval (Somontano de Barbastro) en la obra de Privato Cajal (1969)".

Ye vocal de publicacions d'o Consello d'a Fabla Aragonesa -an que ha impartito cursos de luenga aragonesa- y d'o consello de redacción d'a revista Fuellas. D'atra man, ha escrito bel relato curto como O cuento de Chusepet, que se reculle en o libro O despertar de l'onso, u o cuento infantil Belianet, l'onset que no quereba estar domato (2016). Ganó en 2009 o VI Concurso de relatos curtos "Luis del Val" con o relato Manimenos, lo fize.

Antiparte, ye editor, chunto a Chusé Raúl Usón, d'a obra completa en aragonés d'Agliberto Garcés, publicata en o volumen Agliberto Garcés (1908-2002). Obra en aragonés meridional por Xordica en 2012 y de parte d'a obra etnolingüistica de Pedro Arnal Cavero en Somontano en alto. Escritos e inéditos (1946-1959), publicata por Aladrada Ediciones en 2014.


Predecesor:
Elena Gusano Galindo
Premio de Relatos "Luis del Val"
(en aragonés)

2009
Succesor:
Chusé Antón Santamaría Loriente