Ángela Abós Ballarín

Ángela Abós Ballarín
Consellera d'Universidat, Ciencia y Tecnolochía d'o Gubierno d'Aragón
9 de chunio de 2006 – 9 de chulio de 2007
President	Marcelino Iglesias Ricou
Precediu por	Alberto Larraz Vileta
Succediu por	María Victoria Broto Cosculluela (Ciencia, Tecnolochía y Universidat)
Consellera d'Educación y Cultura d'o Gubierno d'Aragón
23 de chunio de 1994 – 12 de chulio de 1995
President	José Marco Berges
Precediu por	Pilar de la Vega Cebrián
Succediu por	Vicente Bielza de Ory
Deputada en as Corz d'Aragón por Uesca
20 de chunio de 1991 – 6 de chulio de 1999
Naiximiento	1 d'octubre de 1934 Benás (Aragón)
Muerte	16 de chulio de 2022 Chaca (Aragón)
Partiu	Partido de los Socialistas de Aragón
Profesión	Filologa
Alma Máter	Universidat de Salamanca

Ángela Abós Ballarín (Benás, Ribagorza, 1 d'octubre de 1934-Chaca, 16 de chulio de 2022) fue una politica, escritora y profesora aragonesa.

Biografía

Licenciada en filolochía romanica por a Universidat de Salamanca (1956), exerció como profesora de Luenga y Literatura en centros d'a ciudat de Chaca (Centro Politecnico, INBAD y Instituto de Bachillerato) dende 1962 dica 1983, momento en que pasó a ocupar cargos de responsabilidat en l'administración educativa.

Vida politica

Militant d'o PSOE, estió a unica muller deputada en as Corz Constituyents d'Aragón; ocupó o cargo de directora provincial d'o Ministerio d'Educación en Uesca (1983-1986) y de subdirectora cheneral-chefa d'o Servicio d'Inspección Tecnica d'o MEC (1987-1989). Estio concellera d'o Concello de Chaca dende 1991 dica chunio de 1994, consellera d'Educación y Cultura (1994-1995) d'o Gubierno d'Aragón presidido por José Marco y propuesta por iste para estar presidenta d'o Gubierno d'Aragón.

Deputada en as Corz d'Aragón en as lechislaturas tercera y cuarta, estió portavoz d'o grupo socialista en a Comisión d'Educación (1995-1999) y representant d'as Corz en o Consello Social d'a Universidat de Zaragoza, cuala Comisión de Relacions Socials presidió. En aviento de 1999, o Executivo aragonés la nombró presidenta d'o Consello Social d'a Universidat de Zaragoza.