Benzinera
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una benzinera u gasolinera[1] ye una estación en a cual se puet comprar carburant (benzina, fueloil, etc.) y ficar-lo en o deposito de combustible d'un vehíclo. A vegadas se i pueden comprar atras cosas u pueden tener atros servicios, como poder comprebar a presión d'os pneumaticos u escusaus pa as personas. Por motivos de seguridat ye prohibiu d'encender-ie fumarrez.
Iste tipo de comercio ye un eixemplo de competencia monopolista, ya que gosan tener siempre os mesmos clients. Tamién, encara que en teoría se pueden establir librement, en a practica gosan asociar-sen con as pocas grans interpresas distribuidoras que bi ha, con contractos d'exclusividat.
Bi ha dos tipos de benzineras, as abanderadas y as independients, que encara que en principio pueden comprar a cualsiquier petrolera gosan fer-lo a las dos grans interpresas multinacionals Tamoil y Saras. As benzineras abanderadas pueden ser dreitament chestionadas por as petroleras u por tercers, en iste zaguer caso puet tractar-se d'un chestor, de manera que a petrolera ye a propietaria d'a benzinera, encara que en subcontracte a chestión, u d'un atra man puet tractar-se d'un abanderau u propietario d'a benzinera, que sinya un contrato con u que se compromete a comprar combustible unicament a una sola interpresa petrolera mientres dure o contrato, que puet ser de dica cinco anyos.
Benzineras en Aragón
En a ciudat de Zaragoza destaca a estación de servicio de los Enlaces, obra de l'arquitecto José de Yarza García construyida en a decada de 1960 y declarada Bien Catalogau d'o Patrimonio Cultural Aragonés.[2]. Tamién destaca en o paisache urbano a benzinera de l'avenida de Valencia, ubierta en a decada de 1940.[3]
Se veiga tamién
Referencias
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Orden de 21 de febrero de 2008, del Departamento de Educación, Cultura y Deporte, por la que se declara la estación de servicio «Los Enlaces», sita en Vía Hispanidad nº 87, en Zaragoza, como Bien Catalogado del Patrimonio Cultural Aragonés. Boletín Oficial d'Aragón. 7 d'abril de 2008. Num. 40, pach. 4554-4555 ISSN 9941-3256
- ↑ (es) Las gasolineras también son una escultura. 7 d'aviento de 2019