Blaverismo

O blaverismo (en catalán blaverisme) ye la denominación orichinalment despectiva con o que a sobén se conoix como un movimiento de reacción contra la corrient pancatalanista d'o nacionalismo valenciano en o País Valenciano que debe o suyo nombre a l'apasionata esfensa per parti d'iste movimiento d'a francha azul d'o sinyal coronau valenciano d'a Ciudat de Valencia. Ista denominación teneba orichinalment una connotación negativa—que encara se mantien entre os grupos socials y politicos que consideran a lo blaverisme como una mena de ultradreita--, encara que, modernament ista denominación ye asumita per beluns d'os suyos integrants ta diferenciar-se d'atros movimientos que, igualment, s'autoproclaman valencianistas y tienen caracteristicas de fundo bien diferents.

O blaverismo practica lo secesionismo lingüistico d'o valenciano, negando a unidat d'a luenga catalana, plegando a fer una manipulación y transmitir una visión sesgata d'os datos lingüisticos.

O blaverismo ye un movimiento orichinalment populista y heterochenio, naixito en a segunda metat d'o sieglo XX y mientres a Transición democratica, que agrupa sectors d'ideolochía mayoritariament rechionalista u foralista. O movimiento ye especialment enradigau en a capital y redolada, y menos enradigau asinas como mos aleixamos d'a capital. O diario Las Provincias ye un d'os principals medios que ixemenan ideyas blaveristas.