Antropolochía Social y Cultural

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'Antropolochía Social y Cultural ye a branca de l'Antropolochía que estudia la descripción y analís d'as Culturas. Ye una especialidat de l'Antropolochía cheneral que fundamenta o suyo estudio en o conoiximiento de l'hombre per medio d'os suyos costumbres, relacions parentals, estructuras politicas y economicas, urbanismo, medios d'alimentación, mitos, creyencias y relacions d'as grupos humans con o ecosistema.

L'Antropolochía Cultural sustiene, siguindo a bastida d'o relativismo cultural, que buena cosa d'as experiencias y conceptos consideratos naturals son, en realidat, construccions culturals que replegan as reglas seguntes os cuals se clasifica a experiencia. Ista clasificación se reproduce en sistemas simbolicos y se conserva y esparde en cada colectividat.

Uno d'os temas prencipals de l'Antropolochía Cultural, doncas, ye a relación entre os rasgos universals d'a naturaleza humana y a farcha en que se presenta en as diferents culturas. O estudio d'as razons per as que naixen as diferencias culturals —motivatas per razons ambientals u historicas—, y cómo s'organizan as mesmas en sistemas globals, ha ocupato tamién muitos d'os treballos d'ista disciplina cientifica.