Propaganda

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A propaganda ye una información presentata y defundita con a fin de refirmar una determinata causa u promocionar un producto. Encara que o mensache contienga información veridica, ye posible que sía partidaria, no presentando una imachen completa y equilibrata de l'obchecto en cuestión. L'uso primario proviene d'os contextos comercial y d'o politico, referindo-se cheneralment a los esfuerzos patrocinatos por gubiernos u partius.

A fin d'a propaganda politica ye enamplar o refirme (u o refuse) a una cierta posición, antis que presentar simplament ista posición. L'obchectivo d'a propaganda ye a opinión d'a chent, no a suya información. Debito a ixo, a información transmesa ye presentata a sobén con una alta carga emocional, clamando comunment a sentimientos patrioticos.

En anglés, a palabra propaganda gosa tener fuertes connotacions negativas (y tamién politicas). No ye necesariament asinas en atras luengas, y l'uso d'o termin puet levar a entibocacions. Por eixemplo, en Brasil y bels países de parla hispana, especialment en America d'o Sud, propaganda a ormino significa a forma mas común de manipulación d'a información: a publicidat. En realidat a propaganda mira de modificar a voluntat con intención politica mientres que a publicidat tien unos obchectivos diferents.

Vinclos externos

• Se veigan as imáchens de Commons sobre Propaganda.