Ir al contenido

1500 metros lisos en os Chuegos Olimpicos de París 1900

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os 1.500 metros lisos en os Chuegos Olimpicos d'Atenas 1900 estió una cursa que fació parte d'o programa de l'Atletismo en os Chuegos Olimpicos de 1900. Ista cursa ye una cursa en a que s'ha de fer una distancia de 1.500 metros, libres d'obstaclos, o mes rapido posible y se fació en a Selva de Boulogne en una pista de 500 metros de cuerda amán d'o Velodromo de Vincennes.

Estió la segunda aparición de l'evento, que ye una d'as 12 prebas d'atletismo que s'han celebrau en toz los Chuegos Olimpicos de Verano. Garra d'os corredors de 1896 tornó a competir. John Bray d'os Estaus Unius yera lo favorito y lo poseedor d'a millor marca mundial, pero no se notó mientres a cursa. John Cregan, Alexander Grant y George Orton yeran entre los millors corredors en a meya distancia y anque yeran inscritos compitioron en os Chuegos de 1900 en atros eventos, pero no corrioron ista preba. L'evento estió ganau per Charles Bennett.

Formato de competición[editar | modificar o codigo]

O sistema ta disputar a preba fue de final directa, no habió fase de clasificación y nueu d'os inscritos en a preba de seis naciones diferents disputoron a final. Se facioron un total de tres voltas a una pista de 500 metros.

Desembolique d'a preba[editar | modificar o codigo]

Faltando beluns d'os millors atletas de meyo fondo, la cursa no tenió muita historia, Benett la lideró dende lo principió dica lo final, aconseguindo realizar una zaguera volta muito rapeda y no dio garra opción a os demás atletas entre los cuals yera John Bray que teneba la millor marca mundial d'ixe anyo.

Clasificación[editar | modificar o codigo]

Posición Atleta País Tiempo
1 Charles Bennett Australia Reino Uniu 4:06.2
2 Henri Deloge Francia Francia 4:06.6
3 John Bray Estados Unidos Estaus Unius 4:07.2
4 David Hall Alemanya Alemania Desconoixiu
5 Christian Christensen Dinamarca Dinamarca Desconoixiu
6 Hermann Wraschtil Austria Austria Desconoixiu
7-9 Ondřej Pukl Bohemia Bohemia Desconoixiu
John Rimmer Australia Reino Uniu Desconoixiu
Louis Segondi Francia Francia Desconoixiu

Vinclos externos[editar | modificar o codigo]