Isaac Albéniz

Isaac Manuel Francisco Albéniz (Camprodon, Chirona, 29 de mayo de 1860 - Cambo-les-Bains, Aquitania, 18 de mayo de 1909) estió un compositor e entrepite de piano. No solament s'adedicó á la mosica ta iste estrumento, tamién escribió temas ta o tiatro e más de dos uzenas de cantas, asinas como dibersos temas orquestals e de cambra.

Primeras añadas

A bida d'Isaac Albéniz, más que más a infanzia e a chobentut, ye una d'as más apasionants d'a istoria d'a mosica. Estió un nino prodichio que debutó como pianista con nomás cuatro años, en un rezital en Barzelona en o Teyatro Romea. Estudió piano en ista ziudat, y dimpués en París con Antoine François Marmontel, e intentó ingresar en o conserbatorio de París, encara que no lo consiguió: aprobó l'esamen pero li refusoron l'admisión por a suya chubentut.

A suya formazión

Continó os estudios en Madrit, á on s'eba tresladato a suya familia en 1869. Teneba un carauter enquieto, s'eslampó de casa á los diez años d'edat e recorrió dibersas ziudats e lugars de Castiella organizando os suyos propios conziertos. Una segunda fuyita, en 1872, le i lebó ta Buenos Aires.

Dende 1875 fazió conziertos en os Estatos Unitos, Londres y Leipzig, á on estudeyó en o Conserbatorio, antis de matricular-se en o Conserbatorio de Bruselas. Protechito por o secretario particular d'Alifonso XII, podió continar os estudios en o Conserbatorio de Bruselas. Mientras a suya estanzia en Leipzig conozió á Liszt, que portó á Albéniz ta beluns d'os suyos conziertos.

A suya madurez artistica

En 1882 se casó con Rosina Jordana, con qui tenió tres fillos. Cécilia Ciganer-Albéniz, esmuller d'o president franzés Nicolás Sarkozy ye biznieta d'Isaac Albéniz á trabiés d'a suya nieta Diane Albéniz.

Conozió á Felipe Pedrell, considerato como o fundador de l'escuela de mosica nazional española, que l'animó á componer obras d'ixa escuela, y ye asinas como Albéniz componió a suya Suite española.

Dende 1889, resideba en París y en Londres, encara que dende 1893 establió a suya residenzia prenzipal en Franzia.

Debito á la nefritis que teneba, se tresladó á lo balneyario de Cambo-les-Bains (en o departamento franzés de Perineus Atlanticos), á on morió lo 18 de mayo de 1909.

Premios

Isaac Albéniz rezibió a Lechión d'Onor d'o Gubierno franzés.

Obras (selezión)

• Suite española (1886)
• Recuerdos de viaje (1887); que encluye Rumores de la caleta.
• Segunda Suite española (1889)
• Iberia (1905-1908),
• Iberia, bersion orquestata por Enrique Fernández Arbós.
• Operas, d'entre as cualas: San Antonio de la Florida, Henry Clifford, Merlín, Pepita Jimenez.

Enrastres esternos

• Se veigan as imáchens de Commons sobre Isaac Albéniz.
• (en) Bida y obra d'Isaac Albéniz.
• (es) Isaac Albéniz en o Centro Virtual Cervantes.
• (es) Fundazión Albéniz.
• (en) Mallorca (Shockwave) BinAural Collaborative Hypertext