Xabier Lete

Xabier Lete
Xabier Lete en 2008, mientres un recital d'as suyas poesías.
Información personal
Nombre	Xabier Lete Bergaretxe
Embotada	{{{Alias}}}
Naixió	5 d'abril de 1944, Oiartzun, Guipuzcua País Vasco
Murió	4 d'aviento de 2010 Sant Sabastián, Guipuzcua País Vasco
Información mosical
Orichen	{{{Orichen}}}
Estilo	Canta d'autor
Ocupancia	{{{Ocupanzia}}}
Instrumentos	Voz y guitarra
Tiempo	1965 - 2010
Discograficas
Relacionato con	{{{Artistas_relazionatos}}}
Pachina web

Xabier Lete Bergaretxe (5 d'abril de 1944, Oiartzun - 4 d'aviento de 2010, Sant Sabastián) estió un escritor, poeta y cantautor vasco.

Prencipió a escribir muit choven, y os suyos articlos estioron habituals en a revista Zeruko Argia. Estió un d'os prencipals components d'a Nueva Canta Vasca (Euskal Kantagintza Berria): en 1965, chunto con Mikel Laboa, Benito Lertxundi, Joxean Artze, Jose Angel Irigarai y Lourdes Iriondo, establioron o grupo Ez Dok Amairu. Fendo remeranza d'aquella epoca, Lete recenta o siguient:

"Kantariaren lana, errekuperazio lan bat zen, beste ezer baino lehen. Kantatzeko era herrikoi baten errekuperatzearekin batera —kanta zaharrak ere jasoz—, hizkuntzaren eta herri kontzientziaren errekuperazioa. Kanta, nola edo hala borrokarekin lotzen da. Herri batek irauten jarraitzeko zeraman borroka larriarekin, hain zuzen".

("O treballo d'o cantaire, yera, mas que mas, un treballo de recuperación. Chunto con a recuperación d'un modo tradicional de cantar —también replegando antigas cantas—, yera a recuperación d'a luenga y a conciencia d'o país. A canta, d'una traza u d'atro se vincla a la luita. Exactament, con l'aspra luita de supervivencia que manteneba un país.")

En el anyo 1972, o grupo Ez Dok Amairu desapareixe; Lete, chunto con la que por ixas envueltas yera a suya muller Lourdes Iriondo, continó con a composición de cantas.

Xabier Lete mientres un concierto. Anyo 1971.

En 1968 Lete publica o suyo primer poemario y o 27 d'octubre de 2009 o suyo zaguer libro de poesía, titulato Egunsentiaren esku izoztuak ("As chelatas mans de l'amaneixer"), con o qualo obtenió o Premio Euskadi de Literatura. En 2005 recibió un duro golpe; a suya muller Lourdes Iriondo moriba dimpués d'una malautía. En abril de 2009, lo nombroron socio (jakituna) de Jakiunde, a Sociedat d'as Sciencias, Artes y Letras, y en 2010 ye nombrato euskaltzain ("academico") d'honor de Euskaltzaindia ("Academia d'a Luenga Vasca"). Muere o 4 d'aviento d'iste mesmo anyo, dimpués d'una luenga malautía y dimpués de permaneixer dos dias graument ingresato en o hespital.

Vinclos externos

• Se veigan as imáchens de Commons sobre Xabier Lete.