Wikipedia:Neutralidat d'o punto d'anvista

De Biquipedia

Ista pachina amuestra uno u mes d'os prencipios fundamentals que definen a naturaleza d'a Biquipedia.

Istes prencipios, comuns ta totas as wikipedias, son a priori immutables, intanchibles y no pas negociables. S'expresan en as normas y recomendacions adoptatas per a comunidat d'es contribuidors.

Anque ye de tot posible modificar ista pachina, s'aconsella encareixitament d'emplegar a suya pachina de descusión u A Tabierna antes de fer garra intervención, per chicota que sía.

O prochecto d'a Biquipedia pretende replegar y difundir as conoixencias humanas sobre toz es temas posibles. Agora, tamién bi ha prous temas sobre es cuals bi ha cuantas opinions posibles y talment contradictorias. Per ixo, ye important que toz es puntos d'anvista amostratos en a nuestra Wikipedia sían neutrals. Isto quier dicir que cal disponer es temas d'a manera més obchectiba posible, mirando de describir d'una manera ecuanime toz es puntos d'anvista. Ixo ye important sobre tot cuan s'han de tratar temas conflictivos, sían sobre politica, nacionalismo, relichión, etc. Cal privar de prener parte per garra d'as opcions en conflicto.

Consellos utils[modificar o codigo]

Uno d'os prencipios de Biquipedia ye a neutralidat d'o punto d'anvista.

Aconseguir un punto d'anvista neutral (PAN) no ye pas fácil. Bels consellos practicos:

  1. Miraz d'encetar es articlos con datos comprobables: midas, calendatas historicas, etc.
  2. Deixaz esplatero qué cosa ye un feito acceptato, y qué cosas no son soque opinions, creyencias u hipotesis no pas contrastatas. Per eixemplo, podemos dicir l'hombre plegó t'a luna en 1969, pero no podemos nunca dicir d'ixa traza i habió un complot d'a CIA ta matar a Kennedy. Caldría dicir en ixe caso: XXX sostién que la CIA organizó un complot ta matar a Kennedy.
  3. Respective a las opinions y puntos d'anvista:
    1. Cal privar as opinions personals.
    2. Cal citar as fuents de cualsiquier cosa que s'haiga dita, mirando siempre que sían prou solvents.
  4. Miraz de replegar toz es puntos d'anvista posibles sobre d'un tema. De totas trazas, pensaz que somos replegando una conoixencia que ye cheneral, y bien acceptada. Por tanto, no tos trobez obligatos a dar guaire importancia a teorías alternativas que tiengan procedencia dandalosa. Per eixemplo, a comunidat scientifica ye d'acuerdo que a SIDA ye causada per un virus. Bi ha encara chent que sostién altras teorías pseudoscientificas, y ixo se puet comentar, pero no se l'ha de dar a mesma importancia que a la versión scientifica, y ixo ha de quedar esplatero en rematar.
  5. Si sobre un tema bi ha diversos autors que discrepan sobre un tema, cal privar de fer una guerra d'edicions. Millor ye charrar-ne en a descusión de l'articlo y consensuar ixa redacción entre toz.
  6. Miraz de no emplegar a Biquipedia ta estendillar as vuestras opinions sobre temas de politica, sociedat, relichión, esporte etc. Si veyez que no tos ne podez estar, miraz de colaborar en altros temas no tan polemicos u sobre aquels a on no siaz tan embrecatos.
  7. Recordaz que garra Wikipedia no ye pensada ta fer propaganda de vusaltros, ni de garra empresa, asociación, entidat, etc.

Qué cal fer si me trobo bel articlo no neutral?[modificar o codigo]

  1. Primer que tot, tos fez seguros que l'articlo no ye neutral de tot.
  2. Si l'articlo no contién soque propaganda, insultos, difamacions, a millor cosa ta fer-ne ye borrar-ne o contenito y ficar-ieb a plantilla {{destruyir}}. A pachina será inmediatament adhibita ent'a lista d'articlos pendients d'estar borratos, y alavez, bel almenistrador s'ocupará de fer-la desaparixer.
  3. Cuan o problema ye que belún bi ha meso una opinión personal, talment malintencionada, u cuan ye menos malversadora, cal mirar d'apanyar-lo, parando cuenta de fer garra esferra. No s'ha de cambear nunca o punto d'anvista d'altra persona per lo propio.