Tractato de Fontainebleau (1807)

De Biquipedia
Ir ta: navego, busca
Iste articlo ye sobre un tractato internacional sinyato entre Espanya y Francia en 1807; t'atros usos, se veiga Tractato de Fontainebleau.

O Tractato de Fontainebleau ye un tractato internacional sinyato o 27 d'octubre de 1807 en a ciudat de Fontainebleau (Primer Imperio Francés) por representants d'una man de Manuel Godoy, valido d'o rei Carlos IV d'Espanya, y d'atra man, por representants de Napolión I, emperador de Francia. Por o Tractato, Espanya y Francia alcordaban una invasión melitar conchunta d'o Reino de Portugal, tradicional aliata d'o Reino Unito y que trencaba o Bloqueyo Continental que heba decretato Napolión dimpués de fracasar a suya tentativa d'invadir as islas britanicas, en parte con a batalla de Trafalgar. Ta fer posible ixa invasión, s'alcordaba permitir a dentrada en Espanya d'as tropas de l'Exercito francés, ubrindo asinas o paso a lo que en realidat estió una invasión francesa d'Espanya que provocó a Guerra d'o Francés. Antiparte, una d'as clausulas d'o Tractato establía a futura creyación d'un reino en l'Algarve portugués, o dito Reino de l'Algarve, que s'heba de conceder a Godoy.