Teoría de conchuntos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Diagrama de Venn que amuestra un conchunto $A$ contenito en atro conchunto $U$ y a suya diferencia $A^{\complement }$.

A teoría de conchuntos ye una división d'as Matematicas que estudia os conchuntos. O primer estudio formal sobre o tema fue realizato por o matematico alemán Georg Cantor, Gottlob Frege y Julius Wilhelm Richard Dedekind en o sieglo XIX y dimpués reformulata por Zermelo.

O concepto de conchunto ye intuitivo y poderba definir-se como una "colección d'obchectos"; asinas que, se puet parlar d'un conchunto de personas, ciudaz, gafas, lapicers u d'o conchunto d'obchectos que bi ha en un inte dencima d'una mesa. Un conchunto ye bien definito si se sape si un determinato elemento perteneixe u no a lo conchunto. O conchunto d'os boligrafos azuls ye bien definito, porque en veyer un boligrafo se puet saper si ye azul u no. O conchunto d'as personas altas no ye bien definito, ya que en veyer una persona, no siempre se puet decir si ye alta u no, u puet haber-ie distintas personas, que opinen si ixa persona ye alta u no'n ye. En o sieglo XIX, seguntes Frege, os elementos d'un conchunto se definiban nomás por una u atra propiedat. Actualment a teoría de conchuntos ye bien definita por o sistema ZFC. Manimenos, contina estando prou conoixita la definición que publicó Cantor:

Se entiende por conchunto a l'agrupación en un tot d'obchectos bien diferenciatos d'a nuestra intuición u a nuestra mente.

Georg Cantor