Telefón

De Biquipedia
Ir ta: navego, busca
Articlo d'os 1000
Telefón d'a interpresa Telefónica, modelo Heraldo.

O telefón u telefono ye un instrumento de telecomunicación disenyato ta transmitir sinyals acusticos (ye decir sons, por un regular, a voz) entre dos u mas puestos por meyo de sinyals electricos.

Enguán ye uno d'os trastes mas comuns y se troba en quasi todas as casas. Os telefons funcionan transmitindo sinyals eletricos por retes telefonicos complexos que premiten que un usuario de telefón pueda comunicar-se con quasi qualsiquier otro. Antes mas istos sinyals viachaban unicament por cables (telefons fixos), mientres que dende fa bellas anyadas, tamién se transmiten por ondas hertzianas (telefons móbils u portátils). Tamién bi ha telefons que premiten transmitir imáchens (vidiotelefons).

Historia[editar | editar código]

Por muito tiempo, Alexander Graham Bell estió considerato o inventor d'o telefón. Sindembargo, Bell no estió o inventor d'iste traste, fue nomás o primer en patentar-lo. Asinas, l'11 de chunio de 2002, o Congreso d'os Estatos Unitos homologó a resolución 269, por a que se reconoixeba que o inventor d'o telefón heba estato Antonio Meucci, que lo clamó teletrofón, y no Alexander Graham Bell. Meucci, por dificultatz economicas, nomás podió presentar, en 1871, una breu descripción d'o suyo invento, pero no formalizó a patent debant d'a Oficina de patents d'os Estatos Unitos.