Tecnolochía social
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A tecnolochia social ye un movimiento social espontanio que responde a una nueva linia de pensamiento popular, que une a todas as razas y culturas d'o mundo a traviés d'ideyals y prochectos socials, que van dillá d'as buegas politicas u relichiosas.
O prencipal eixe ye a comunicación, que surte por a necesidat vital de creyar una situación, u un estau d'as cosas, distinto d'o que se vive en l'actualidat. Como fin, pretende empentar o desembolique ta fer bella cosa important d'a tecnolochía d'os suyos bienes y de l'aplicación de conoiximientos y tecnolochías con fins netament socials, absolutament pacificos y opuestos a os obchectivos comercials u militars que determinan l'actual abance y desembolique tecnolochico d'a humanidat.
Iste movimiento busca establir una nueva escala de valors eticas y socials, apuntando a o estau de buenpasar universal, administrau por institucions populars apoliticas denominadas foros, an toz os miembros d'a sociedat, son administradors dreitos d'o patrimonio social, sin intermediarios ni representacions politicas de garra tipo.
Contexto historico[editar | modificar o codigo]
Si bien a tecnolochía existe dende que l'hombre primitivo podió controlar o fuego, muit pocas vegadas ha estau un patrimonio popular, ya que nomás una chicota elite ha puesto desfrutar d'os beneficios d'a ciencia.
Con a Revolución Industrial, prencipió una lieu propagación d'os beneficios que brindan o conoixencia y a tecnolochía, pero dende os suyos comencipios y dica meyaus d'o sieglo XX a tecnolochía siempre estió elitista, condicionada por a economía y a politica.
Recientment en zaguerías d'o sieglo XX, con a mayor importancia d'as comunicacions y l'aparición d'Internet como meyo d'expresión realment libre, por primera vegada en a historia d'a humanidat, a chent comuna podió acceder por completo a o conoiximiento, a las ciencias y a las tecnicas que pueden chenerar un estau de buenpasar universal. Iste libre acceso a o conoiximiento, actualment ye chenerando una nueva linia de razonamiento popular, por o que l'actual uso comercial indiscriminau, y as aplicacions belicas d'as complexas tecnolochías disponibles, pueden y son chenerando danyos irreparables a la humanidat y especialment a la biosfera.
D'ista nueva linia de razonamiento popular, surte o movimiento tecnolochico social que ye opuesto a l'antigo modelo de tecnolochía imperial, excluyent y elitista que domino os primers milenios d'a historia humana.