Shiryū de Dragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Shiryū (紫龍) ye uno d'os personaches prencipals d'o manga y anime Saint Seiya mas conoixiu como os Caballers d'o Zodiaco. Ye o Santo de bronce d'o Dragón. Ye o mas prudent y saputo d'os Santos de Bronce.

Biografía

Infancia

En estar popiello de mai fue acullito en a Casa de popiellos d'a Fundación Graude, propiedat de Mitsumasa Kido, qui en realidat ye su pai (en o manga), lo mesmo que d'a resta d'os Santos de bronce que compitioron en o torneyo galactico.

Dimpués fue trigau pa formar parti d'a colla de ninos que a Fundación ninviaría a diferents lugars d'entrenamiento pa obtener cadagún, una armadura de bronce y o ran de santos. En o sorteo realizau pa seleccionar puesto d'entrenamiento, a Shiryū le tocó d'ir enta las Cinco Tucas de China, do s'entrenaría con o mayestro Dohko.

Entrenamiento

Shiryū s'entrenó en as Cinco Tucas de China, tenendo como mayestro a Dohko, santo dorau de Libra. Shiryū desconoixeba que o suyo mayestro yera un santo dorau dica l'inte en que Mascara d'a Muerte, santo dorau de Cáncer, apareixió en Rozan, con l'obchectivo d'asasinar a Dohko, porque no heba acudiu a o clamamiento d'o patriarca.

Dimpués de seis anyadas d'entrenamiento, Shiryū obtenió o reconoiximiento como Santo de Bronce, cuan a la fin podió invertir o curso d'a cascada de Rozan, obtenendo asinas l'armadura d'o Dragón.

• Datos: Q2712873