Shalom

Shalom (שלום) ye una parola ebraica que significa «paz». A l'igual que en aragonés, puet nombrar tanto a la paz entre dos partes como tamién a una paz interior, calma u tranquilidat d'un individo. Se'n fa uso tamién como formula de saluto, equivalent a «ola» u «adiós».

A radiz lingüistica de shalom a podemos vincular con le-shalem, que significa «completar, retribuir, pagar, compensar». Por ixo se puet dicir que ye más que l'ausencia de conflicto u a desaparición d'hostilidat, sino que o shalom significa tamién un retorno a l'equilibrio, a la chusticia y l'igualdat integral.

Se suele emplegar como a forma abreviata d'a frase Shalom Aleichem (literalment «a paz sea contigo») que se puet traducir como ola (un saluto).