Restaurazión Meichi
De Biquipedia
A Restaurazión Meichi (chaponés: 明治維新, Meiji-ishin), describe una cadena d'escaizimientos que cambioron a estrutura politica e sozial de Chapón acayezitos entre 1866 e 1869, un periodo de cuatre años que abraca parti d'o Periodo Edo (tamién dito Shogunat Tokugawa tardano) e o prenzipio d'a Era Meichi.
A formazión en 1866 de l'alianza "Satcho" entre Saigō Takamori, o líder d'o dominio Satsuma e Kido Takayoshi, o líder d'o dominio Choshu , siñala o prenzipio d'a restaurazión Meichi. Istos dos líders apoyoron á lo emperador e treballoron chunto á Sakamoto Ryoma ta acotolar o Shogunat Tokugawa (rematato en 1867) e restaurar o poder d'o emperador.
En chinero de 1868 en a Guerra Boshin u Guerra de l'año d'o dragon Choshu e Satsuma redotoron á lo exerzito d'o exshogun. En reyalidat no se tornoron os poders ta o emperador sino que o poder pasó d'o redotato Shogun ta una oligarquía de daimyo.
