Productor cinematografico

De Biquipedia
Ir ta: navego, busca

Un productor cinematografico u simplament productor ye, en o mundo d'o Cine, qui financia u coordina a financiación antis d'a filmación d'una cinta y/u qui, mientres a suya filmación, fa o control d'os gastos feitos t'achustar-los a o presupuesto que teneba la cinta en prencipiar o rodache. Tamién fa bellas labors d'aduya a o director cinematografico, como a contractación d'os actors, y gosa estar l'interlocutor entre os actors y o director si amanixen problemas mientres o rodache, tenendo-ie asinas tamién un papel artistico y no nomás financiero.

Alazetalment o productor gosaba estar qui financiaba dreitament a cinta, pero dende que facioron a suya aparición as grans empresas ditas productoras, son mas que mas treballadors en as productoras, estando o suyo treballo a coordinación d'a producción d'a cinta.