Pneumatico

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Vista parcial d'un pneumatico de coche.

Un pneumatico (d'o griego πνευματικός, fendo referencia a l'aire contenito en o polmón ye una pieza en forma de toro feita de caucho (natural u artificial) mesa en as ruedas de vehiclos u maquinas.

Os pneumaticos por un regular se composaban de dos partis: a cambra en l'interior y la cubierta que rodiaba a l'anterior. Mas recients son os pneumaticos fabricatos sin de cambra, con a cubierta nomás.

A función primordial d'os pneumaticos ye permitir o contacto con o pavimento, combinando d'adherencia y fricción.

Os pneumaticos pueden estar de diversos tipos y dimensions ta tot tipo de vehiclos dende os de gordaria minima d'as bicicletas dica os mas voluminosos d'a maquinaria especial.

Por un regular son formatos por diversas capas de diferents materials y pueden estar reforzatos con filos. En iste segundo caso y seguntes a orientación d'os filos se clasifican como diagonals u radials. Os radials son o tipo estandar d'os automobils.

A sobén os autos levan 4 pneumaticos, dos debant y dos dezaga. As motos en levan dos, un debant y un atro dezaga, fueras d'os quads, que en leban cuatre, como os autos. As bicicletas en levan dos, como as motos.

Vinclos externos[editar | modificar o codigo]