P/2013 P5

De Biquipedia
Ir ta: navego, busca
Imachen d'o telescopio Pan-Starss

P/2013 P5 ye un asteroide que fue visto por primer vegada en agosto de 2013. A traviés d'o telescopio Pan-Starrs de Hawai, como un obchecto con un aspecto extraordinariament difuso. Ista trobada, que ha estau publicada en The Astrophysical Journal Letters, ha causau gran expectación en a comunidat scientifica porque no s'ha visto brenca como isto antes y os astronomos son tractando de trobar una explicación adequada d'a suya misteriosa aparición.

As imachens d'o Hubble fuoron presas o 10 de setiembre de 2013. Quan Hubble tornó ta l'asteroide o 23 de setiembre, o suyo aspecto heba cambiau de raso. Pareixeba que toda a estructura heba oscilau arredol.


O mas sorpresivo ye que as suyas estructuras posteriors cambean dramaticament en solament 13 días, ya que rota o polvo. O cuerpo se veye como una pluma de badminton rotando y con una enorme coda similar a la d'as estrelas.

Os asteroides normals amaneixen como chicotz puntos de luz quan son observaus por os scientificos. Pero iste asteroide, denominau P/2013 P5, en tien seis de codas de cometa de polvo que irradian d’ell como os radios d'una rueda.

Posibles explicacions[editar | editar código]

Una explicación t'a extranya farcha d'iste cuerpo celeste ye que a velocidat de rotación de l'asteroide augmentase dica o punto que a suya superficie empecipiase a volar en trozos, expulsando polvo en erupcions episodicas que habrían empecipiau a pasada primavera.

As teorías d'os astrofisicos refusan que se tracte d’un asteroide dimpués d'un impacto, ya que en iste caso a gran cantidat de polvo s'habría espardiu por o espacio d'una sola vegada, mientres que en iste cuerpo o polvo ha estau expulsau de forma intermitent entre un periodo d'a lo menos cinco meses.

L'equipo d'o telescopio Hubble ye relizando nuevas observacions de seguimiento. Os scientificos asperan determinar si o polvo sale de l'asteroide en o plano equatorial, o que sería una evidencia d'una trencadura de rotación.

Vinclos Externos[editar | editar código]