Opus Dei

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Seu central de l'Opus Dei en Roma.
Seu de l'Opus Dei en Nueva York, Estaus Unius. Situada en una zona centrica, tien 17 pisos y fue construita en 2001 con un coste de 70 millons de dólars, d'ixo, la metat en yera una sola donación y l'atra parte de mes de 5.000 chicotas contribucions.[1]

A Prelatura d'a Santa Cruz y Opus Dei ye una institución perteneixient a la Ilesia Catolica. La fundó Josemaría Escrivá de Balaguer o 2 d'octubre de 1928, mosen semontanés canonizau en 2002. Lo termin latín Opus Dei significa "obra de Dios", (la palabra Opus evolucionó en aragonés ta uebra, que en aragonés actual ye fosilizada con sentiu agrario y en a locución verbal fer buena uebra).

A prelatura ye gobernada por un prelau y composada por os mosens que forman o clero propio d'a prelatura y, en a suya mayor parte, por fiels laicos.[2]

Encara que fundau en 1928, no estió dica 1941 cuan o bispe de Madrit lo aprobó por primera vegada como Instituto Secular, rechindo-se por os suyos propios estatutos. Dimpués de solicitar-lo o Papa Chuan-Pavlo II erichiró una prelatura personal en 1982, estando a sola que existe huei. A prelatura depende d'a Congregación pa os bispes.

En tiempos d'a dictadura franquista prenioron muito poder. I habió muitos ministros de l'Opus, ditos tecnocratas. Creyoron una universidat en Pamplona que lis permitió educar a las clases dirichents d'o sud y centro de Navarra, substituyindo a los tradicionals chesuitas en ixe papel. Decidioron construir un santuario propio en o despoblau de Torrociudat, escachando y desfendo totas as suyas casas de fueras d'a ilesia, a sola construción que respectoron.

O poder que ha preso l'Opus y las normas que imposan a los suyos adeptos fa que parte d'a opinión publica considere a l'Opus como una secta dentro d'a Ilesia Catolica.

Referencias[editar | modificar o codigo]

  1. Tien entradas, oratorios, habitacions y aparcamientos aislaus pa hombres y mullers. Lo fan servir pa fayenas de dirección, estudio, retiros y como centro de conferencias.
  2. As prelaturas personals se regulan en os articlos 294 a 297 d'o Codigo de Dreito Canonico.

Se veiga tamién[editar | modificar o codigo]