Muchahid
De Biquipedia
Muchahid, pl. muchahidín (en arabe, ﻣﺠﺎﻫﺪ pl. ﻣﺠﺎﻫﺪﻳﻦ; muchāhid, pl. muchāhidīn) ye un musulmán que fa la Chihad, un combatient musulmán u combatient por o Islam.
[editar] Uso
Entre os periodistas que escriben u parlan en luengas ozidentals como o castellán s'ha cheneralizato o emplego d'a parabra presa de l'arabe en plural (muyahidín), que se fa serbir en singular y en fan como plural muyaidines. En publicazions més espezializatas u academicas se prefiere fer serbir o singular orichinal.
A parabra muchahid (con a grafía franzesa moudjahid) s'emplegaba ya en a Guerra d'Archelia pa charrar d'os archelins que luitaban contra os franzeses. Sin d'embargo a parabra s'ha feito famosa con enchaquia d'a embasión sobietica d'Afganistán en 1980. Os muchahidín yeran un exerzito irregular entrenato e finanziato por Arabia Saudí y Estatos Unitos que luitaban cuentra o Exerzito Royo Sobietico y o rechimen pro-sobietico de Mohammad Nachibul·lah. Dimpués ixos muchahidín esdebinioron talibans.
En Irán esisten os Muchahidín d'o Pueblo, a més important d'as organizazions armatas d'oposizión a la republica islamica, que luitó tamién cuentra o rechimen d'o shah. La suya ideolochía se califica a begatas de ibrido d' islamismo e marxismo.
En Bosnia deziban muchahidín a los boluntarios internazionals musulmans que combatioron chunto a las tropas musulmanas locals en a guerra de 1992-1995.
En o conflito entre islamistas e reboluzionarios en Archelia se fa serbir muchahid como sinonimo de combatient opuesto a los islamistas.
