Mosica electronica
A mosica electronica ye un tipo de mosica produeita y interpretata prencipalment con instrumentos mosicals electronicos, como lo sintetizador, o sampler, as caixas de ritmos, os seqüenciadors y, más recientment, os ordinadors, que gracias a los creixients desarrollos en tecnolochía y en software, chugan un papel vital en a producción d'a mosica electronica actual. Tamién se i gosan emplegar instrumentos electromecanicos como a guitarra eletrica u l'organo Hammond.
Existen en l'actualidat una gran cantidat de cheners de mosica electronica, que amostran una ampla variedat de sonoridatz; dende a mosica ambiental dica la mosica industrial más experimental, pasando por estilos como lo synthpop, dance (y totas as suyas variants), hip hop u o chill out, totz ells tienen en común l'uso predominant u exclusivo d'os instrumentos electronicos.
