Khoxoz
De Biquipedia
Os khoxoz son una d'as tribus istoricas d'os oiratos. Bibiban en a rechión d'Urumtoi pero güei biben en Qingai en a zona d'o Kok Nur u Laco Qingai. Bellas fazions d'os khoxoz emigroron con os torguz t'as riberas d'a baxa Bolga e contribuyoron a la formazión d'o pueblo calmuco autual.
[editar] Istoria
En tiempos de l'apocheu d'os oiratos os khoxoz emigratos ta Quingai yeran aliatos d'os choros e influyiban en a politica tibetana.
En lo sieglo XVII o zinqueno grant mayestre d'os bonez amariellos trobó protezión en Gushri Can, d’a tribu Khoxot establita en Kuk Nor (Quingai). Dimpués d’una interbenzión armata en 1640-1641 Gushri asignó tot o Tíbet zentral a un Dalai Lama nombrato en 1642, pero conserbando l’autoridat melitar. O Dalai Lama delegó o suyo poder a un rechent. Os bonez royos son escluitos d’a bida politica e lo Dalai Lama nombra Panchen Lama a un bonet amariello. O rechent consigue mantener a paz en o Tíbet dica fins d’o sieglo XVII.
En 1717 a elezión d’un nuebo Dalai Lama, reconoxito por os Qing, proboca un conflito entre o rechent e os khoxoz. En 1717 os dzungaros interbienen cuentra os khoxoz e prenen Lhasa, que saqueyan. En 1720 os Qing son qui prenen Lhasa e nombran a atro Dalai Lama, que en 1750 reestablix l’orden. Una comisión d’o imperio chino reorganiza o gobierno tibetán. S'establix que un rechent gobierne mientres siga a minoría d'edat d'un Dalai Lama, que ye o cabo d'estato. L'aristocrazia ye representata por menistros, dos amban, delegatos d’o emperador agüaitan.
[editar] Bibliografía
- Jean Sellier. ATLAS DE LOS PUEBLOS DEL ASIA MERIDIONAL Y ORIENTAL. Acento Editorial.
