Ixugador de pelo

De Biquipedia
Ir ta: navego, busca
Ixugador de pelos portatil

Un ixugador de pelo ye un chicot electrodomestico disenyato ta chitar aire calient u fredo sobre os pelos mullatos, ta mirar d'accelerar a evaporación de l'augua y ixugar os cabellos.

Os ixugadors de pelos fuoron inventatos en 1920 en os Estatos Unitos, en a localitat de Racine (Wisconsin). Os primers aparatos fuoron fabricatos por as interpresas Universal Motor Company y Hamilton Beach. A idea naixió d'a unión de dos conceptos, a descarga d'aire calient emplegata por l'aspiradora (inventata bells anyos antis) y o motor d'a liquadora (tamién desenvolicato en Racine).

Os primers ixugadors yeran a-saber-lo grans, pesatos y chitaban poca cantidat d'aire, pero ganoron popularitat debito a la gran requesta que tenioron.

En os anyos 1930 y 1940 se i metioron as primeras novedatz, como os controls ta regular a temperatura y a velocidat de l'aire.

O ixugador portatil ye o mas popular entre a población, con bellas variedatz como o ixugador plegable (emplegato ta os viaches). En o sector professional bi ha diferents interpresas que producen ixugadors, con un motor de larga vida y mas potencia ta que o peluquero u a peluquera i pueda treballar cada día muitas horas y ixugar o pelo ascape. Os ixugadors profesionals mas conoixitos en tot o mundo son os d'as interpresas italianas Parlux, E.T.I., Dana Italia y Coif'In. Tamién existe o ixugador de casco que, gracias a la suya mayor potencia y millor distribución de l'aire, permite a realización de peinaus mas modernos.

Bibliografia[editar | editar código]

  • (es) Charles Panati (1988), Las cosas nuestras de cada día, colección Dolce Vita. Barcelona: Ediciones B. ISBN 84-406-0387-8.

Vinclos externos[editar | editar código]