Intelichenzia artifizial

De Biquipedia

A intelichenzia artifizial (IA) ye una parti d'a informatica, adedicata á lo desembolique d'algoritmos que premiten á una maquina (á ormino un ordinador) prener dezisions intelichents u, á lo menos, comportar-se como si tenese una intelichenzia parexita á la umana.

Determinar si un ordinador reyalment se comporta de traza intelichent ye complexo. Bi ha muitas definizions de qué ye esautament a intelichenzia artifizial. A més estedillata ye la de John McCarthy (1995), que diz que "ye fer que una maquina se comporte d'una traza que serba considerata intelichent en un umán."

Se considera o pai d'a intelichenzia artifizial á lo britanico Alan Turing que, mientres d'a Segunda Guerra Mundial e baxo lo mando d'o serbizio d'intelichenzia britanico, prenzipió á creyar os alazez d'o que güé conoxemos como intelichenzia artifizial.