Herpes zóster
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'herpes zóster ye una malotía producida per una reactivación d'o virus latent varicela-zóster (u Human alphaherpesvirus 3), que afecta a los niervols perifericos —neuropatía gangliorradicular—[1] y a la piel, an puede producir chicotas ambollas dolorosas en forma d'aniello agrupadas a lo luengo d'un dermatoma.
L'herpes zóster puede presentar diferents complicacions seguntes os niervols afectaus, sobre tot en individuos immunodeprimius, entre los cuals cal destacar paralisi motora u facial temporal, insuficiencia respiratoria y infeccions bacterianas secundarias. A prencipal secuela que puede amaneixer dimpués d'a desaparición d'os sinyals cutanios ye la neuralchia postherpetica, que consiste en una sensación dolorosa cronica en o dermatoma afectau y que puede durar dende cuantas semanas dica anyos.[2]
L'herpes zóster ye una malotía distribuyida mundialment.[3] A diferencia d'a picueta loca, l'herpes zóster no presenta estacionalidat. Se calcula que afecta alto u baixo a lo 20 % d'a población.
Referencias[editar | modificar o codigo]
- ↑ (es) Castañeda Fernández, J.A.; del Corral García, J. (2003). «Neuropatías periféricas». Medisan 7 (4).
- ↑ (es) Thomas B. Fitzpatrick (2009). «194. Varicela y herpes zóster». Dermatología en medicina general. 3º (7.ª edición). Médica Panamericana. pp. 1885-1898. ISBN 978-950-06-1699-7.
- ↑ (es) Mandell,Gerald L.; Bennett, John E.; Dolin, Raphael (2006). «133. Virus de la varicela zóster». Enfermedades Infecciosas: principios y prácticas 2 (6ª edición). Elsevier. pp. 1780-1784. ISBN 84-8174-955-9.