Ernest Rutherford

De Biquipedia
Ir ta: navego, busca
Articlo d'os 1000
Ernest Rutherford Premio Nobel
Ernest Rutherford en 1910.
Ernest Rutherford en 1910.
Información personal
Calendata de naixencia: 30 d'agosto de 1871
Puesto de naixencia: Flag of New Zealand.svg Brightwater (Nueva Zelanda)
Calendata de muerte: 19 d'octubre de 1937
Puesto de muerte: Flag of the United Kingdom.svg Cambridge (Anglaterra, Reino Unito)
Ocupación: Fisico y quimico

Ernest Rutherford, naixito de Brightwater (Nueva Zelanda) o 30 d'agosto de 1871 y muerto en Cambridge (Cambridgeshire, Anglaterra, Reino Unito) o 19 d'octubre de 1937, estió un fisico y quimico neozelandés, considerato o pai d'a Fisica nucleyar. Estió o descubridor d'as particlas alfa y d'as particlas beta; descobrió tamién que a radioactividat encluye a desintegración d'os elementos quimicos, recebiendo asinas un Premio Nobel de Quimica en 1908. Tamién estió Rutherford qui almostró a existencia d'un nuclio atomico, en o qual se concentra a carga positiva y a mayor parte d'a masa de l'atomo, y qui logró a primera transmutación artificial.

Si mientres a mayor parte d'a suya vida Rutherford se dedicó quasi esclusivament a la investigación, a segunda mitad d'a suya vida se dedicó a ensenyar y a dirichir o laboratorio Cavendish en Cambridge, a on se descubrió o neutrón y a on se formoron os fisicos Niels Bohr y Robert Oppenheimer. Asinas, a suya figura tien una gran importancia en o campo d'a Fisica nucleyar.

Rutherford estió president d'a Royal Society (1925-1930), y en 1922 recibió a Medalla Copley. Tamién estió miembro de l'Academia Pontificia de Sciencias.

Vinclos externos[editar | editar código]


Predecesor:
Eduard Buchner
Premio Nobel de Quimica
1908
Succesor:
Friedrich Wilhelm Ostwald
Predecesor:
Joseph Larmor
Medalla Copley
1922
Succesor:
Horace Lamb
Predecesor:
Charles Scott Sherrington
President d'a Royal Society
1925 - 1930
Succesor:
Frederick Gowland Hopkins