Descusión Wikipedia:Uso d'a luenga/Lexico

Continando con es alpartatos d'uso d'a luenga, ista propuesta ye ta mirar de debatir entre toz, tal como femos con a ortografia e a gramatica, o lexico más adecuato ta es articlos en aragonés supradialectal. No sinifica ixo fer normas lexicas ni un dicionário ni privar á la gent que escriva con es vocables d'a suya variedat, pero sí mirar d'ajuntar á una pagina o lexico más aconsellable ta ixes articlos de tipo general, e que asinas no apareixca la mesma parola de mil e una formas á cada articlo.

Os debates que plegásenos ta un consenso unanime poderevan asinas concluyir con a encorporazión d'o bocable ta la suya clasificazión correspondient d'astí baixo. L'autor d'un articlo puet aczeder asinas á una aína lingüistica más, e mesmo ta chent de fuera d'a Biquipedia podereva fer onra.

Ista clasificazión d'es bocables ye nomás que una posibilidat modificable. Ta la clasificazión dialectal, sigo as intresants notazions de Lascorz, que trobo prou enzertatas.

LC: Lecsico común

Lecsico común con es altros romanzes, sopre tot peninsulars.

• pan, faxa|faixa, cantar, tres

LCH: Lecsico cheneral

D'uso cheneralizato en totas u cuasi totas as bariedaz aragonesas, á ormino espardito tamién per tot Aragón.

• panizo|paniço/paniso

LE: Lecsico espardito

D'uso cheneralizato en a gran mayoría de bariedaz aragonesas, u documentato en belas bariedaz que, per a suya situazión, fan pensar en un uso prou espardito d'o bocable.

• paniquesa (paniquiecha, panitiecha), botiga

LD: Lecsico dialectal

D'uso preferent u esclusibo d'una d'as bariedaz aragonesas u de bel parlache espezifico.

LD-W

Dialectalismos ozidentals

LD-Z

Dialectalismos zentrals

LD-ZW

Dialectalismos zentro-ozidentals

LD-ZE

Dialectalismos zentro-orientals

LD-S

Dialectalismos meridionals

LS-SW

Dialectalismos d'o surueste

LS-SE

Dialectalismos d'o sureste

LD-A

Dialectalismos d'altras areas

• Per ixemplo, o lecsico esclusibo d'a faixa dende Bielsa enta Benás.

N: Neolochismos

N1

Neolochismos "lochicos", per estar comuns con as formas de romanzes bezins.

• aeronautica

N2

Neolochismos semanticos: bocables d'o lecsico aragonés que han adoptato rezienment un sinificato diferent á l'orichinal -u deribatos d'ixos bocables- e que no gosan á estar usatos per es parladors patrimonials.

• nabesador, alazetal

N3

Neolochismos personals: bocables proposatos e no conoixitos u azeptatos (encara) per garra comunidat de parladors u escritors en aragonés.

• gratazielos