Descusión:Mosén

No poso interwikis encara porque os articlos en as wikipedias de países cristians tienen articlos chenerals (sacerdot por exemplo) y no especificos d'o sacerdot cristián. En ixos mesmos articlos salen os sacerdotz pagans, os rabitz y a ixos creigo que en aragonés nunca no lis diríanos mosens u rectors. Son as wikis d'os países musulmans as que tienen articlos especificos d'os sacerdotz cristians.--EBRO 14:48 29 may 2010 (UTC)

Mientres en catalán ye parola aguda (mossén), o mesmo que en castellano (mosén) porque en ye un ampre, d'o catalán, en aragonés no, porque s'utiliza como antenombre (mosen Manuel, p.e.) y allora s'atoniza y se recupera lo sustantivo como forma plana. No sé si en Zgz dirán "mosén", pero en l'Alto Aragón ye "mosen" sin dandalos. D'atra man, iste termino vale ta qualsiquier eclesiastico, siga rector, bispe u cardenal (que no han a estar sacerdotz obligatoriament totz, cosas d'a ilesia). Proposo fer una dentrada ta mosen (sustantivo y antenombre), y atra diferent ta rector/sacerdot/capellán. Cómo lo veyetz?--Francho 08:59 4 set 2011 (UTC)

Yo soi d'alcuerdo. Quiero anyadir que mosen orichinariament en aragonés yera un tractamiento de respeto a un individuo d'a baixa nobleza (creigo que lo he leito en o libro de Terrado sobre l'aragonés de Teruel d'o sieglo XV), y que bi ha un toponimo en a Val de Tena con mosen que fosiliza este uso. Dicen que mosen provién de mi senyor en luengas galo-romances. Yo quan entré en biquipedia veyié como artificial o de decir mosen asinas como sustantivo en plan sistematico, porque yo siempre lo he sentito como mosen + nombre, mosen + motata ("mosen peseta"). Manimenos un día veyendo o programa de Labordeta sobre Cantaviella deciban el mosen u un mosen, asinas que suposo que en aragonés puet existir este uso. Yo prefiero como títol rector u capellán, pero s'habrá d'explicar on s'usan estas denominacions, d'entre as dos prefiero rector, que tien una distribución antiga afavorita por l'Archidiocesi de Zaragoza en o Baixo Aragón. Escribié cierta información sobre esto en l'articlo Diocesi de Tortosa. A vegatas as diferents denominacions pueden amagar antigas demarcacions eclesiasticas. Sacerdot millor deixar-lo pa una denominación ampla incluindo a los sacerdotz pagans, que no son rectors ni bispes.--EBRO 09:21 4 set 2011 (UTC)