Desarrollo comunitario

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O desarrollo comunitario ye una practica social que no fa l'esfuerzo directament sobre a relación dinamica entre recursos y necesidatz, sino que centra tot o suyo ferrete en a comunidat ta que seiga ésta, la que s'organice y faya os cauces de solución a os problemas y necesidatz. A fin zaguera ye estructurar a comunidat ta que s'autoorganice, prenga concencia y asuma o suyo papel dinamizador y sociocultural per ella mesma.

O desarrollo comunitario abraca metodolochías como l'animación sociocultural y l'animación comunitaria, as dos tienen en común a cheneración de procesos participativos en que o protagonismo lo tienen os usuarios.

As leis de Servicios Socials replegan esta practica social, en concreto a Ley de Servicios Socials d'Aragón, replega este termino, en o preambulo de a lei, en l'articlo 5, como principio rector, en l'articlo 15 como función de os Centros de Servicios Socials, y más que más en l'articlo 36 que la replega como prestación de servicio: servicio de promoción de l'animación comunitaria y que dimpués ye concretada y detallada churidicament en o Catalogo de Servicios Socials d'Aragón.

L'obchectivo de l'animación comunitaria ye treballar con asociacions, chenerar procesos de participación y fomentar o voluntariau en l'ambito de as asociacions.