Crosta continental

De Biquipedia
Ir ta: navego, busca

A crosta continental ye a crosta terrestre que bi ha en os continents y as suyas marguins, presentando-se discontinament en a superficie terrestre entre grans arias de crosta ocianica, actualment a més grant part d'a crosta continental ye en o hemisferio norte, en o paleozoico estió a lo revés.

Presenta un grosor de 25 a 70 km, menor que a crosta ocianica, una densidat menor y una estructura complexa, con tres libels.

Livels[editar | editar código]

O estudio de diferents zonas d'a crosta continental profunda, que se puet veyer quan os procesos cheolochicos la han exposata a la superficie, ha permeso de construir modelos realistas con tres libels en cuenta de modelos antigos con dos nivels deseparatos por a presunta discontinuidat de Konrad.

O libel inferior ye de rocas entre acidas y basicas, que pueden estar ultrametamorficas (granulitas), plutonicas (anortositas, gabros), u sedimentarias con grau de metorfismo (losetas y calsineras).[1]

O libel intermeyo ye de rocas estre acidas y intermeyas, con rocas muito metamorfizatas (gneises y migmatitas) y plutonicas (rocas graniticas).[1]

O superior presenta rocas sedimentarias aflorando en quasi tota a superficie, y arias con rocas volcanicas y intrusions graniticas. Puet haber-ie metamorfismo pero no necesariament.

A discontinuidat de Konrad no s'observara que en os puestos on o libel inferior siga de rocas basicas y o libel intermeyo de rocas acidas, manifestando-se por un aumento d'a velocidat d'as ondas sismicas en fondura. S'observa una zonación en o gradient metamorfico.

A discontinuidat de Mohorovicic que desepara a crosta d'o manto no ye un plano ideyal, ye una zona de transición de bells kilometros de grosor.

Dominios[editar | editar código]

As tierras emerchitas representan o 29% d'a superficie d'a tierra, pero contando a plataforma continental, que representa o 6 % d'a superficie, o 35 % d'a superficie cubierta corresponde a crosta continental.

Os dominios d'a crosta continental son:

  • Plataforma continental: ye a part d'o continent que queda cubierta por l'augua ocianica, se veye en os mapas como una porción contigua a lo contorno d'os continents y una prolongación d'a superficie d'as tierras emerchitas. Actualment ye sumerchita, pero en unas quantas etapas d'a historia d'a terra, yera parcialment emerchita; esto s'ha desvenito en as grans regresions como quan as glaciacions. Presenta una pendient feble enta l'ocián y a fondura no gosa pasar d'os 200 m. Ye una zona important dende o punto de vista economico, con chacimientos d'hidrocarburos y caladers de pesca. En as colisions continentals ye destruita y a suya cubierta sedimentaria se plega y fa part d'os orochens.
  • Cratons: zonas lisas topograficament, sin capa sedimentaria y con rocas plutonicas y metamorficas en superficie. Son zonas muito estables dende un punto de vista tectonico y gosan ocupar as partz centrals d'os continents.
  • Orochens u cordeleras: zonas elevatas d'os continents formatas por materials recients. Son arias muito inestables dende o punto de vista cheolochico. Se situan a man de marguins continentals d'o pasato u actuals y pueden tener estructuras cheolochicas simetricas (orochens de colisión) u asimetricas (orochens de marguin continental).

Orichen[editar | editar código]

En os continents as rocas més antigas se situan en un nuclio u nuclios centrals (cratons), y por o que pareixe os continents se forman en as marguins, por o que huei pareixe se forman por adhibir-sen materials continament en as marguins, verticalment (magmatismo), como horizontalment (litosferoclastos).

Referencias[editar | editar código]

  1. 1,0 1,1 (es) Francisco Anguita Virella Origen e historia de la Tierra. Editorial Rueda, 1988, pp 13-15

Bibliografía[editar | editar código]