Cort Internacional de Chusticia

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
O Palacio d'a Paz, seu d'a Cort Internacional de Chusticia.

A Cort Internacional de Chusticia (CICh) u Tribunal Internacional de Chusticia (TICh), conoixita coloquialment como Cort Mundial, ye l'organo chudicial principal d'as Nacions Unidas. Establita en 1946, as suyas funcions principals son resolver os pleitos entre os estatos y dar opinions y consellos en cuestions legals presentatas por l'Asamblea Cheneral y o Consello de Seguridat, u por achencias especializatas que tienen l'autorización d'os dos organos d'a ONU. O Estatuto d'a Cort Internacional de Chusticia ye o principal documento constitucional que regula as actividaz d'a Cort.

A seu d'a Cort se troba en Den Haag, Países Baixos. Ye formata por quince chueces esleitos por l'Asamblea Cheneral d'a ONU y o Consello de Seguridat d'a ONU d'una lista de personas seleccionatas por grupos nacionals d'a Cort Permanent d'Arbitrache. Os chueces treballan por o periodo de nueu anyatas y pueden ser reesleitos. No pueden ser esleitos dos chueces d'o mesmo estato. Un tercio d'a Cort ye esviellata cada tres anyos. Cadagún d'os miembros permanents d'o Consello de Seguridat siempre tiene un chuez en a Cort. As cuestions que se presentan a la Cort se resuelven por mayoría d'os chueces presents. L'articlo 38 d'o estatuto diz que ta plegar a una decisión, a Cort ha d'emplegar as convencions internacionals, a tradición internacional y os prencipios chenerals d'a lei reconoixitos por as nacions civilizatas. Os chueces pueden emplegar decisions chudicials previas ta entrepritar a lei, encara que a Cort no ye sucheta a las suyas decisions previas. Si as partis son d'alcuerdo, a Cort puet decidir ex aequo et bono, (en chusticia y igualdat), lo que significa que as decisions son basatas en os prencipios chenerals d'igualdat y no pas en una lei especifica.

Vinclos externos[editar | modificar o codigo]