Cheografía humana

De Biquipedia
Ir ta: navego, busca
Destribución espacial d'a población mundial

A cheografía humana ye un d'os dos grans campos en que se divide a cheografía. A cheografía humana ye o estudeyo de l'uso por parti d'o ser humán d'o mundo y d'os procesos que l'afectan. S'esferencia amplament d'a cheografía fisica en que a cheografía humana s'enfoca muito mas en o estudeyo d'os afers intanchibles y abstractos que rodian l'actividat humana y gosa emplegar con mayor freqüencia metolochías qualitativas. Tracta a mayoría d'aspectos d'as sciencias socials.

Encara que a cheografía humana no se centra prencipalment en o estudeyo fisico d'a Tierra (se veiga cheografía fisica), no ye posible parlar de cheografía humana sin estudear o entorno fisico a on que se desembolican as actividatz humanas, estando por tanto a cheografía ambiental un vinclo d'unión entre as dos.

A cheografía humana abarca una gran diversidat metodolochica y teorica, incluyindo enfoques feministas, marxistas u post-estructurals entre atros, y emplegando metodos de rechira tanto qualitativos (metodos etnograficos y entrevistas) como quantitativos (enqüestas, analís estatistica y construcción de modelos).

Campos d'a cheografía humana[editar | editar código]

Os prencipals campos d'estudeyo d'a cheografía humana chiran arredol d'as siguients tematicas:

Cultura[editar | editar código]

A cheografía cultural ye o estudeyo d'os productos y normas culturals y como istos varían en os diferents puestos y espacios cheograficos. Se centra en describir y analizar o lenguache, a relichión, a economía, o gubierno y atros fenomens culturals que varían u permaneixen constants entre un puesto y un atro ta explanicar como os humans funcionan espacialment.[1]

Desembolique[editar | editar código]

A cheografía d'o desembolique y o estudeyo d'a cheografía terrestre en relación a os estándars y calidat de vida d'os habitants d'un puesto, estudeyando a localización, destribución y organización espacial d'as actividatz economicas d'a planeta. O subchecto de rechira ye prou influenciato por a metodolochía que faiga servir o investigador.

Economía[editar | editar código]

A cheografía economica tracta as relacions entre os sistemas economicos, os estatos y otros actors, y o medio biofisico.

Salut[editar | editar código]

A cheografía medica ye l'aplicación d'a información, perspectivas y metodos cheograficos a o estudeyo d'a salut, as malautías y l'asistencia sanitaria.

Historia[editar | editar código]

A cheografía historica ye o estudeyo d'a cheografía humana, fisica, ficticia, teorica y real en o pasato. A cheografía historica estudeya una gran variedat de temas y afers. Un tema común en o estudeyo d'as cheografías en o pasato ye como una rechión cambeya con o tiempo. Muitos cheografos que se centran en a historia estudeyan patrons cheograficos a o largo d'o tiempo, incluyindo-ie como a chent interactuaba con o suyo medio y como s'ha creyato un aria cultural.

Politica[editar | editar código]

A cheografía politica ye o estudeyo de como o medio cheografico afecta a os procesos politicos y como os procesos politicos afectan tamién a las estructuras espacials.

Población[editar | editar código]

A cheografía d'a población ye o estudeyo de como as variacions, distribucions, composicions, migracions y creiximiento d'a población se relacionan con o medio natural.

Torismo[editar | editar código]

A cheografía d'o torismo ye o estudeyo d'os viaches y o torismo como industria y como actividat humana.

Urbanismo[editar | editar código]

A cheografía urbana estudeya as arias urbanas, tractando mas que mas as teorías y aspectos espacials y relacionals. Se centra en o estudeyo d'arias a on que bi ha una gran concentración d'edificios y infraestructuras. Istas arias acullen a mayoría d'as actividatz economicas d'os sectors segundario y terciario y gosan tener altas densidatz de población.

Referencias[editar | editar código]

  1. Jordan-Bychkov, Terry G.; Domosh, Mona; Rowntree, Lester (1994). The human mosaic: a thematic introduction to cultural geography. New York: HarperCollinsCollegePublishers.