Cesária Évora

De Biquipedia
Ir ta: navego, busca
Cesária Évora
Cesáira Évora en Mindelo, a suya tierra natal.
Cesáira Évora en Mindelo, a suya tierra natal.
Información personal
Nombre Cesária Évora
Embotada Reina d'a morna, A diva d'os pietz descalzos.
Naixió 27 d'agosto de 1941, São Vicente, Cabo Verde Flag of Portugal.svg
Murió 17 d'aviento de 2011, São Vicente, Cabo Verde Flag of Cape Verde.svg, 70 anyos.
Información musical
Orichen {{{Orichen}}}
Estilo
Ocupancia {{{Ocupanzia}}}
Instrumentos Voz
Tiempo 1963 - 2010
Discograficas
Relacionato con {{{Artistas_relacionatos}}}
Pachina web http://www.cesaria-evora.com

Cesária Évora (Mindelo, São Vicente, Cabo Verde, 27 d'agosto de 1941São Vicente, 17 d'aviento de 2011) estió una cantaire caboverdiana conoixida con a embotada d'a reina d'a morna. Tamién yera conoixida como «a diva d'os pietz descalzos», a causa d'o suyo costumbre de presentar descalza sobre os scenarios, en solidaridat con os sin teito y as mullers y ninos pobres d'o suyo país.

Biografía[editar | editar código]

Cise, como yera conoixida por os amigos, prencipió a cantar y a fer actuacions os domingos en a plaza prencipal d'a suya ciudat, acompanyada por o suyo chirmán Lela, a o saxofón. Pero a suya vida ye intrinsecament ligada a o vico de Lombo, en as immediacions d'o quartel de l'exercito portugués, an cantó con compositors como Gregório Gonçalves. A os 16 anyos, Cesária prencipió a cantar en tabiernas y hotels y, con l'aduya de qualques musicos locals, ganó mayor notoriedat en Cabo Verde, estando proclamada a "Reina d'a Morna"

A os vinte anyos fue convidada a treballar como cantaire t'o Conchelo - companyía de pesca creyada por capital local y portugués -, recibindo diners conforme a las actuacions que feba. En 1975, anyo en que Cabo Verde adquirió a independencia, Cesária , frustrada por qüestions personals y financieras, aliados a la dificultat economica y politica d'o choven país, deixó de cantar ta sustentar a suya familia. Entre iste periodo, que se prolongó por diez anyos, Cesária habió de luitar contra l'alcoholismo. Igualment, Cesária clamó a ixe periodo de tiempo, os suyos Dark Years (en aragonés, Anyos Foscos).

Animada por Bana (cantaire y interpresario cabo-verdiano que viviba en Portugal), Cesária Évora tornó a cantar, actuando en Portugal. En Cabo Verde un francés clamau José da Silva la persuadió d'ir a París y allí acabó por gravar un nuevo album en 1988 "a diva aux pied nus" (a diva d'os pietz descalzos) - que ye como se presienta en os palcos. Iste album estió aclamado por a critica, levando-la a encetar a gravación de l'album "Miss Perfumau" en 1992. Dende alavez fixó a suya residencia en a capital francesa. Cesária se tornó una estrela internacional a os 47 anyos d'edat.

O blues cabo-verdiano de Cesária Évora por un regular fabla d'a larga y amarga historia d'isolamiento d'o país y d'o comercio de esclaus, asinas como d'a emigración ya que se diz que o numero de cabo-verdianos que vive en l'exterior ye mas gran que a población total d'o país.

A voz afinada de Cesária Évora, acompanyada d'instrumentos que dan un toque melancolico, resalta l'emocional en a suya musica, y os oyents que no entienden a suya luenga aconsiguen percibir as emocions en as suyas cantas.

En 2004 ganó o premio Grammy a o Millor álbum contemporanio de world music por Voz d'amor.

En 2007 o president de Francia Jacques Chirac le atorga a medalla d'a legión d'honor.

Dimpués de quantas complicacions de salut, incluindo una operación a corazón ubierto en 2010, a cantaire anunció a suya retirada d'a musica, cancelando os conciertos que teneba previstos, o 23 de setiembre de 2011.[1]

Cesária Évora morió o 17 d'aviento de 2011, a os 70 anyos, en o Hespital Baptista de Sousa, en Mindelo, an se trobaba internada con un quadro d'insuficiencia respiratoria y edema pulmonar.[2]

Discografía[editar | editar código]

  1. 1988 - La Diva aux pieds nus
  2. 1990 - Distino die Belita
  3. 1991 - Mar Azul
  4. 1992 - ''Miss Perfumau
  5. 1994 - Sodade, Les Plus Belles Mornas De Cesaria
  6. 1995 - Cesária
  7. 1997 - Cabo Verde
  8. 1999 - Café Atlântico
  9. 2001 - Sãu Vicente die Longe
  10. 2002 - Cesária Évora Anthology
  11. 2003 - Voz d'amor
  12. 2003 - Club Sodade - Cesaria Evora by...
  13. 2006 - Rogamar
  14. 2009 - Nha sentimento

Video[editar | editar código]

  1. 2001 - Live in Paris (DVD)

Referencias[editar | editar código]

  1. 20menutos.ye: la cantante Cesaria Evora renuncia a su carrera por problemas de salut
  2. Fallece cantante caboverdiana Cesaria Evora

Vinclos externos[editar | editar código]