Cáncer (astrolochía)

En l'astrolochía occidental, o signo de Cáncer (21 de chunio-22 de chulio) ye asociato con o elemento augua; ye, pues, un d'os tres signos d'augua, chunto con Escorpio y Piscis. Ye tamién un d'os quatre signos cardinals, chunto con Aries, Libra y Capricornio. En Cáncer tien o suyo domicilio la Luna, feito que podría proceder de l'antiga creyencia que consideraba ixe o puesto primichenio d'a luna en l'inte d'a creyación d'o mundo. O suyo oposato ye Capricornio. D'entre as partis d'o cuerpo, Cáncer gubierna o peito y lo estomaco.

As qualidatz que os astrologos acostumbran a acumular-li son os d'un carácter sensible, imachinativo, de gran memoria y amor per a familia, devez que sentito, vulnerable, cambiadero y muito aprevenito.

En o "Libro d'o Trasoro" mencionan canzer en relación a las inundacions d'o río Nilo:

de Cançer diez dias a la saljida de junyo, aquel flum comiença a crexer, e dura entro a la entrada de Leon. E cuando el sol es dentro de Leon, el ha asi grant fuerça, los tres dias auant la calenda de agosto entro a XJº a la entrada, que el ixe ultra el leyto de su curso aqua e alla tanto que el arosa toda la tierra; assi fa

La otro dia apres, comjença a andar por la otra quarta partida, e entra en el otro signo, yes a saber, en Cancer