Azelerazión

De Biquipedia

Ir ta: nabego, busca
O grafico amostra la bariazión d'a belozidat, v á lo largo d'o tiempo t d'un mobil que no cambeya de direzión. En cada punto d'o grafico v(t) o modulo de l'azelerazión biene dato por a pendient d'a tanchent á la curba que pasa por cada punto: a(1), a(2) a(3)
v = velozidat
t = tiempo
s = desplazamiento
a = azelerazión

L'azelerazión ye una magnitut fesica que indica como cambeya la belozidat d'un cuerpo en relazión con o tiempo. Ye dezir, indica la rapideza de l'aumento u a disminuzión d'a belozidat d'o mobimiento.

En zinematica l'azelerazión instantania se define con a primera deribata d'a belozidat respeuto á lo tiempo (a razón d'o cambeyo de belozidat) u de manera equibalent como a segunda deribata d'a posizión. Se trata d'una magnitud bectorial e se mide en unidaz de longaria · temps-2 (L·T-2 o L/T2). En unidaz d'o SI, s'esprisa en metro/segundo2.

En luengache común se parla d'azelerazión ta referir-se á un incremento d'a belozidat e de desazelerazión ta indicar-ne un decremento. Pero en fesica cualsiquier incremento u decremento d'a belozidat se diz azelerazión; e tamién se diz azelerazión á lo cambeyo en a direzión d'a belozidat (azelerazión zentripeta).

En mecanica clasica, l'azelerazión d'un punto material ye proporzional á la resultant d'a fuerza que autua sobre el. Seguntes a segunda lai de Newton, en considerar a masa d'o cuerpo independient d'a belozidat:

\overset{\to }{\mathop{F}}\,=\frac{d\left( m\cdot \overset{\to }{\mathop{v}}\, \right)}{dt}\Rightarrow \overset{\to }{\mathop{a}}\,=\frac{d\overset{\to }{\mathop{v}}\,}{dt}=\frac{\overset{\to }{\mathop{F}}\,}{m}

á on que \overset{\to }{\mathop{F}}\, ye a resultant u fuerza total que autua sobre o punto; m ye a suya masa e \overset{\to }{\mathop{a}}\, ye a suya azelerazión.

Otenito de "http://an.wikipedia.org/wiki/Azelerazi%C3%B3n"